ވިޔަފާރިތައް ހޭލުންތެރިކުުރުމަށް ފުލުހުން ކުރިއަށްގެންދިޔަ ޕްރޮގްރާމެއް ފޮޓޯ/ފުލުހުން)
ވައްކަމާއި ފޭރުން މަދުކުރަން މުދަލަށް ސަމާލުވާން ފުލުހުން އިލްތިމާސްކޮށްފި
މި ރޯދަމަހު ވެސް ވައްކަމާއި ފޭރުން މަދުކުރުމަށް އަމިއްލަ މުދަލަށް ސަމާލުވާން ފުލުހުން މިއަދު އިލްތިމާސްކޮށްފި އެވެ.
ވީ ކިހިނެއް؟ - މި އަހަރުގެ ރޯދަމަސް މިއަދު ފެށިފައި ވާއިރު، ކޮންމެ ރޯދަމަހަކާ ދިމާކޮށް ވައްކަމާއި ފޭރުމުގެ އަމަލުތައް ގިނަވާ ކަމުގެ ޝަކުވާ އާންމުން ކުރެ އެވެ. އެހެންވެ، ފުލުހުން ވަނީ އެ ކަންކަން މަދުކުރުމަށް އާންމުންގެ އެއްބާރުލުމަށް އެދިފަ އެވެ.
ތަފްސީލު - ފުލުހުން ވަނީ ރޯދަމަހު، ވައްކަމުގެ މައްސަލަތައް މަދުކުރުމަށް ކޮންމެ މީހަކު ވެސް އެ މީހެއްގެ އަމިއްލަ މުދަލަށް ރައްކާތެރިވުމަށް މަސައްކަތްކުރުމަށް އިލްތިމާސްކުރާ ކަމަށެވެ. އެގޮތުން، ފުލުހުން އެދިފައިވަނީ:
-
ދުވާލު ނުވަތަ ރޭގަނޑު ވެސް ގެ ހުސްކޮށްފައި ބޭރަށްދާ ނަމަ، ދިއުމުގެ ކުރިން ގޭގެ ހުރިހާ ކުޑަދޮރުތަކާއި ބެލްކަނި ދޮރާއި ފެންލައިޓު އަދި ވައިގޮޅި ފަދަ ތަންތަން ރަނގަޅަށް ތަޅުލުން
-
ފޯނާއި ލެޕްޓޮޕާއި ޓެބްލެޓާއި ވޮލެޓާއި އަތުކުރީގަޑި އަދި ފައިސާ އާއި އެހެނިހެން ސާމާނު އާންމުކޮށް ފެންނާނެހެން ގޭތެރޭގައި ނުބެހެއްޓުން
-
މަގުމަތީ އުޅޭއިރު، ފޭރުމުގެ އަމަލެއް ހިންގުމަށް މަގުފަހި ނުވާނޭހެން ގެންގުޅޭ ތަކެއްޗަށް ރައްކާތެރިވުން
-
އަޅުކަންކުރުމަށް މިސްކިތުގައި ހޭދަކުރާ ވަގުތުތަކުގައި ވެސް ފޯނު، ވޮލެޓު އަދި ދަބަސް ފަދަ ތަކެއްޗަށް ސަމާލުވުން
-
އޮފީސްތަކާއި ފިހާރަތަކުގެ ސަލާމަތާއި ރައްކާތެރިކަން ކަށަވަރު ކުރުމަށާއި ފިހާރައިގެ ތެރޭ ފައިސާ ނުބެހެއްޓުން
ބުނީ ކީކޭ؟ -