ރައީސް ސޯލިހް، ސާބިއާގެ ރައީސްއާ ބައްދަލުކުރައްވައިފި

ރައީސް އިބްރާހިމް މުހައްމަދު ސޯލިހް، ސާބިއާގެ ރައީސް އަލެކްސާންޑާ ވޫޗިޗްއާ މިއަދު ބައްދަލުކުރައްވައިފި އެވެ.

ވީ ކިހިނެއް؟ - އދ.ގެ އެންމެ ކުޑަކޮށް ތަރައްގީވެފައިވާ ގައުމުތަކުގެ ކޮންފަރެންސަށް މިވަގުތު ގަތަރުގެ ދޯހާއަށް ވަޑައިގެން ހުންނެވި ރައީސް ސޯލިހް، ސާބިއާގެ ރައީސްއާ ބައްދަލުކުރެއްވީ އެ ކޮންފަރެންސްގެ ހަވާސާގަ އެވެ.

ތަފްސީލު - ރައީސް އޮފީހުން ބުނި ގޮތުގައި، މި ބައްދަލުވުމުގައި ދެ ގައުމުގެ ގުޅުން އިތުރަށް ބަދަހިކުރުމާ ގުޅޭ ގޮތުން ދެ ރައީސުން ފުޅާ ދާއިރާއެއްގައި މަޝްވަރާކުރެއްވި އެވެ. އަދި ދެ ގައުމުގެ މަސްލަހަތު ހިމެނޭ ދާއިރާތަކުން ގުޅުން ބަދަހިކުރުމާ ބެހޭގޮތުން ވާހަކަ ދެއްކެވި ކަމަށް ރައީސް އޮފީހުން ބުންޏެވެ.

އޭގެ އިތުރުން: 

އެނގުން މުހިއްމު - ދޯހާއަށް ފަހު، ރައީސް ސާބިއާއަށް ވަޑައިގަތުމަށް ވަނީ ހަމަޖެހިފަ އެވެ. އެއަށް ފަހު، އައިޓީބީ ފެއާގައި ބައިވެރިވެވަޑައިގަތުމަށް ޖަރުމަނަށް ވަޑައިގަންނަވާނެ އެވެ.

ފަސްމަންޒަރު - އދ.ގެ ކޮންފަރެންސްގައި ބައިވެެރިވެވަޑައިގަތުމަށް ރައީސް ދޯހާއަށް ވަޑައިގެންނެވީ މިދިޔަ ހޮނިހިރު ދުވަހު އެވެ.