ސ. ހުޅުދޫގައި މިރޭ ހިނގި އަލިފާނުގެ ހާދިސާގައި ތާރު ކޮންޓެއިނަރުތަކެއް އަނދާފައި (ފޮޓޯ/އެމްއެންޑީއެފް)
ހުޅުދޫ ބަނދަރު ސަރަހައްދުގައި ހުރި ތާރު ކޮންޓެއިނަރުތަކެއްގައި ރޯވެ އަނދައިފި
ސ. ހުޅުދޫ ބަނދަރު ސަރަހައްދު ކައިރިން ވަލުތެރޭގައި ހުރި ތާރު ކޮންޓެއިނަރުތަކެއްގައި ރޯވެ މިރޭ އަނދައިފި އެވެ.
ވީ ކިހިނެއް؟ - އެމްއެންޑީއެފުން ބުނިގޮތުގައި:
-
އަލިފާން ރޯވެގެން ހުޅުމީދޫ ފަޔާ ސްޓޭޝަނުން އަލިފާން ނިއްވުމުގެ މަސައްކަތް ފެށީ 8:03 ގައި
-
އަލިފާނުގައި އެއްވެސް މީހަކަށް ގެއްލުމެއް ނުލިބޭ
-
އަލިފާން ނިއްވާލެވުނީ 9:30 ހާއިރު
-
އަދިވެސް ފެން އަޅައި ތާރުތައް ފިނި ކުރުމަށް ސިފައިން ދަނީ ސައިޓުގައި ހަރަކާތްތެރިވަމުން
އެ ސަރަހައްދުގައި ހުރި ގިނަ ތާރު ކޮންޓެއިނަރުތަކުގައި އަލިފާން ހިފާފައިވީ ނަމަވެސް، ހަލާކުނުވާ ބައެއް ކޮންޓެއިނަރު ހުރި ކަމަށް އެމްއެންޑީއެފުން ބުންޏެވެ.
އެނގުން މުހިއްމު - ހުޅުދޫ ބަނދަރު ސަރަހައްދުގައި ހުރި ކުނިތަކެއްގައި މިއަދު ހަވީރު 5:30 އެހާއިރު ރޯވެގެން ވެސް ހުޅުމީދޫ ފަޔާ ސްޓޭޝަނުން ހަރަކާތްތެރިވި ކަމަށް އެމްއެންޑީއެފުން ބުނެފައިވެ އެވެ. އެ އަލިފާންގަނޑު ނިއްވާލާފައިވަނީ، އެމްއެންޑީއެފުން ބުނިގޮތުގައި، 6:50 ހާއިރު އެވެ.
ފަހުން ރޯވީ ކުރިން ރޯވި އަލިފާންގަނޑު ރަނގަޅަށް ނިއްވާނުލެވޭތީތޯ، ސިފައިން މީޑިއާއަށް މައުލޫމާތު ދޭ ވައިބާ ގްރޫޕުގައި ނޫސްވެރިޔަކު ސުވާލުކުރުމުން އެމްއެންޑީއެފުން ބުނީ އެއީ ތަފާތު ދެ ހާދިސާއެއް ކަމަށާއި ރޯވީ ވެސް ދެ ސަރަހައްދެއްގައި ކަމަށެވެ.