ފަރުތަކުގެ ދިރުން ދައްކުވައިދޭ ފޮޓޯ މުބާރާތެއް ދިރާގާއެކު

ރާއްޖޭގެ ފަތުރުވެރިކަމަށް 50 އަހަރު ފުރުމާ ވިދިގެން ދިރާގާއި ޓޫރިޒަމް މިނިސްޓްރީ ގުޅިގެން ހާއްސަ ފޮޓޯ މުބާރާތެއް މިއަދު ފަށައިފި އެވެ.

ވީ ކިހިނެއް؟ - ދިރާގާއި ޓޫރިޒމް މިނިސްޓްރީގެ އިތުރުން، އޯޝަން ޖިއޮގްރަފިކް ސޮސައިޓީ އަދި މޯލްޑިވްސް އެލައަންސް އޮފް ޑައިވް އޮޕަރޭޓަރސް (މަޑޯ) ގުޅިގެން ބާއްވާ މި ފޮޓޯ މުބާރާތަކީ، ފަތުރުވެރިކަމުގެ ރަންޔޫބީލް ފާހަގަކުރުމުގެ ގޮތުން ފަރުތަކުގެ ދިރުން ބެލުމަށް ބާއްވާ ފޮޓޯ މުބާރާތެކެވެ. މިއަދުން ފެށިގެން އަންނަ މަހު 15 އަށް މި މުބާރާތް ކުރިއަށް ގެންދިޔުމަށް ވަނީ ހަމަޖެހިފަ އެވެ.

ތަފްސީލު - ދިރާގުން މިއަދު ބުނި ގޮތުގައި މި މުބާރާތުގެ މައިގަނޑު މަގްސަދަކީ:

މި މުބާރާތުގައި ފޮޓޯ ނެގުމަށް ރާއްޖޭގެ 50 މައްޝޫރު ޑައިވް ސައިޓެއް ކުރިއާލާވަނީ ކަނޑައަޅައިފަ އެވެ. މިއިން އެއް ސައިޓަށް ނުވަތަ އެއަށް ވުރެ ގިނަ ސައިޓުގެ ފޮޓޯ ނަގައިގެން ވެސް މުބާރާތުގައި ބައިވެރިވެވޭނެ ކަމަށް ދިރާގުން ބުންޏެވެ.

މުބާރާތާ ގުޅޭ އިތުރު މައުލޫމާތު:

"ދިރާގުން މަސައްކަތަކުރަމުން ދަނީ ދިވެހިރާއްޖޭގެ ތިމާވެށި ހިމާޔަތްކުރުމަށް އިސްކަންދީގެން ބާއްވާ މަސައްކަތްތަކަށް އެހީތެރިކަން ފޯރުކޮށްދިނުމަށެވެ. އަދި މިއީ އެކުންފުޏީގެ ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު) ޕްރޮގްރާމްގެ މައިގަނޑު އެއް އަމާޒެކެވެ." ދިރާގުން ފޮނުވި ނޫސްބަޔާނުގައި ބުނެފައިވެ އެވެ.

މި މުބާރާތާ ގުޅޭ އުތުރު މައުލޫމާތު މޯލްޑިވްސް50ގެ ވެބްސައިޓުން ލިބޭނެ އެވެ.