ރައީސްގެ ދެކަނބަލުން އިނގިރޭސިވިލާތުން އެނބުރި ވަޑައިގެންފި

ރައީސް އިބްރާހީމް މުހައްމަދު ސޯލިހާއި އެ މަނިކުފާނުގެ އަނބިކަނބަލުން ފަޒްނާ އަހުމަދު، އިނގިރޭސި ރާނީ އެލިޒަބަތު IIގެ ޖަނާޒާގައި ބައިވެރިވެވަޑައިގަތުމަށް އިނގިރޭސިވިލާތަށް ކުރެއްވި ރަސްމީ ދަތުރުފުޅު ނިންމަވާލެއްވުމަށް ފަހު މިއަދު ރާއްޖެ ވަޑައިގެންފި އެވެ.

އެނގުން މުހިންމު - 70 އަހަރުގެ ދިގު މުއްދަތަކަށް ރަނިކަން ކުރެއްވުމަށް ފަހު އިނިގިރޭސި ރާނީ އެލިޒަބަތު II އުމުރުފުޅުން 96 އަހަރުގައި އަވަހަރަވީ މި މަހުގެ 8ގަ އެވެ. އެ ކަމަނާ އަވަހާރަވީ އާލާސްކަންފުޅާ އުޅުއްވުމަށް ފަހު، ސްކޮޓްލެންޑްގައި ހުންނަ ޝާހީ ގެކޮޅު ބެލްމޯރަލް ކާސްލްގަ އެވެ. ރާނީ އަވަހާރަވުމާ ގުޅިގެން، އެ ކަމަނާގެ ދޮށީ ދަރިކަލުން ޗާލްސް މިހާރު ވަނީ ރަސްގެފާނަށް ވެވަޑައިގެންފަ އެވެ.

ވީ ކިހިނެއް؟ - ރައީސްގެ ދެކަނބަލުން އިނގިރޭސިވިލާތަށް ފުރާވަޑައިގަތީ މިިދިޔަ ހުކުރު ދުވަހުގެ ރެ އެވެ.

ތަފްސީލް - މި ދަތުރުފުޅުގައި:

ފަސްމަންޒަރު - އިގްތިސާދީ ގޮތުން ދަތި މި ދުވަސްރުގައި ބޮޑު ހަރަދެއް ކުރައްވައިގެން ރައީސް ޖަނާޒާއަށް ވަޑައިގެންނެވުމުން ބައެއް ފަރާތްތަކުގެ ފާޑުކިޔުން ސަރުކާރަށް ވަނީ އަމާޒުވެފަ އެވެ. މި ދަތުރުފުޅަށް 2 މިލިއަނަށް ވުރެ ގިނަ ރުފިޔާ ހަރަދުވާނެ ކަމަށް ބައެއް ފަރާތްތަކުން ބުންޏަސް، ރައީސް އޮފީހުން ބުނެފައި ވަނީ މި ދަތުރުފުޅުގެ ހަރަދު މިލިއަނަކަށް ވެސް ނާރާނެ ކަމަށެވެ.