މޫނުގައި ރޫ ޖެހޭތީ އުނގުޅާ ފޭކު ބޭހެއް ދައުރުވާތީ ސަމާލުވާން އެދިއްޖެ

މޫނު މަތީގައި ޖެހޭ ރޫ ފިލުވުމަށް ބޭނުން ކުރާ ބޭހެއް ކަމަށްވާ، ޑިސްޕޯޓް [Dysport]ގެ ސައްހަ ނޫން ބެޗުތަކެއް، ބައެއް ގައުމުތަކުގައި ދައުރުވާތީ، އެކަމަށް ސަމާލުވުމަށް ރާއްޖޭގެ ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މިއަދު އިލްތިމާސްކޮށްފި އެވެ.

ވީ ކިހިނެއް؟ - 'ސާވައިކަލް ޑިސްޓޯނިއާ އަދި ގްލަބެއްލާ ލައިންސް'އަށް ދޭ މި ބޭހުގެ ފޭކު ބެޗު، ފަސް ގައުމެއްގައި ދައުރުވަމުންދާ ކަމަށް، ދުނިޔޭގެ ސިއްހީ ޖަމިއްޔާ (ޑަބްލިއުއެޗްއޯ)އާ ހަވާލާދީ އެމްއެފްޑީއޭން ބުންޏެވެ. އެއީ:

ތަފްސީލް - ޑްރަގް އޮތޯރިޓީން ބުނި ގޮތުގައި، މިއީ ރާއްޖެއަށް އިމްޕޯޓުކުރުމާއި ވިއްކުމަށް ހުއްދަ ކުރާ ބޭހުގެ ތެރޭގައި، 'ޕްރީ-އޮތޮރައިޒޭޝަން' ނަގައިގެން އިމްޕޯޓު ކުރެވޭ ބޭހެކެވެ. އެކަމަކު މިހާތަނަށް މި ބޭސް އެގޮތަށް އެތެރެކޮށްފައި ނުވާ ކަމަށް އެ ތަނުން ބުންޏެވެ.

އެކަމަކު މި ބޭހަށް ސަމާލުވާން ޖެހޭ ކަމަކީ، ޑްރަގް އޮތޯރިޓީން ބުނި ގޮތުގައި:

ރައްކާތެރިކަމުގެ ފިޔަވަޅެއްގެ ގޮތުން، ބޭސް ސިޓީއަށް ރާއްޖެއަށް އެތެރެ ކުރާ ބޭސް، ހާއްސަ ސަމާލުކަމެއް ދީގެން ވިޔަފާރި ބަނދަރުތަކުގައި ބަލާ ފާސްކުރާނެ ކަމަށް ވެސް އެ އޮޮތޯރިޓީން ބުންޏެވެ.