ބިދޭސީންނަށް މިނިމަމް ވޭޖު ކަނޑަނާޅާ ނަމަ ވަޒީފާ ނެތް ދިވެހިން އިތުރުވާނެ: ޓްރާންސްޕޭރަންސީ

• ދުނިޔެއަށް މިހާރު ކުރިމަތިވެފައިވާ އިގްތިސާދީ ހާލަތުގެ ސަބަބުން ރާއްޖޭގެ އިގްތިސާދަށް ވެސް އޭގެ ނޭދެވޭ އަސަރުކުރަމުން ދާއިރު، މިއީ އެންމެ ކުޑަ އުޖޫރަ ދިނުމަށް އެކަށީގެންވާ ވަގުތެއް ނޫން ކަމަށް
  

• އެހެންވެ، މިނިމަމް ވޭޖު ދިނުމަށް ގާނޫނުގައި ވަކި މުއްދަތެއް ކަނޑައެޅުމުގެ ބަދަލުގައި، މިނިމަމް ވޭޖު އެޑްވައިޒަރީ ބޯޑުން ލަފާ ދިނުމުން މިނިސްޓަރަށް ތާރީހު ކަނޑައެޅޭ ގޮތަށް ހެދުމަށް ވަނީ ހުށަހަޅާފައި

ވިޔަފާރިތަކުން ދިވެހިންނަށް ވަޒީފާގެ ފުރުސަތު ނުލިބި، އިޖުތިމާއީ ދުޅަހެޔޮކަމަށް ނޭދެވޭ އަސަރުކޮށް، ދައުލަތުގެ އިޖުތިމާއީ ރައްކާތެރިކަމުގެ ޕްރޮގްރާމުތަކަށް ބުރަވެ، ވަޒީފާ ނުލިބޭ ޒުވާނުން އިންތިހާއަށް ގިނަވާނެކަން ޔަގީންކުރެވޭ.

ޓްރާންސްޕޭރަންސީ މޯލްޑިވްސް

• ރާއްޖޭން ސޮއިކޮށްފައިވާ ،އިންޓަނޭޝަނަލް ލޭބާ އޮގަނައިޒޭޝަންގެ އީކުއަލް ރެނިއުމަރޭޝަން ކޮންވެންޝަންއާ ހިލާފުވާނެ؛ އެ މުއާހަދާގައި އެއްބަސްވެފައި ވަނީ އެއް މަސައްކަތެއް ކުރާ މީހުންނަށް ހަމަހަމަކޮށް އުޖޫރަ ދޭން

• މަސައްކަތްތެރިންގެ މެދުގައި ހަމަހަމަކުރަން ޖެހޭނެ ކަމަށް ވަޒީފާއާ ބެހޭ ގާނޫނުގައި ވެސް އޮންނަ އިރު އެ ގާނޫނާ ވެސް ތައާރަޒުވާނެ

• ކުޑަ އުޖޫރައެއް ދީގެން ބިދޭސީ މަސައްކަތްތެރިން ލައްވައި މަސައްްކަތްކުރުވައި ނާޖާއިޒު ފައިދާ ނަގަން، އެ އިސްލާހުން އިތުރަށް މަގުފަހިވެގެންދާނެ

• ދިވެހި މަސައްކަތްތެރިންނަށް ވަޒީފާ ދިނުމަށް ތަކުލީފަކަށްވެ، ހަރަދު ބޮޑުވާ ގޮތަށް ގާނޫނަށް ގެނެވޭ އިސްލާހަކީ ދިވެހި މަސައްކަތްތެރިންގެ އަގުވަޒަން ނުކުރާ ކަމުގެ ދަލީލެއް

• ބިދޭސީ އަދި ދިވެހި މަސައްކަތްތެރިންގެ މެދުގައި އޮތް ފަރަގު ނައްތާލަން

• ރާއްޖޭން ސޮއިކޮށްފައިވާ މުއާހަދާތަކާއި ގާނޫނުތަކާ އެއްގޮތަށް އަމަލުކުރަން

• ހަމަހަމަކަމަށް މަސައްކަތް ކުރާ، އިންސާފުގެ މަގުން ހިނގާ ދައުލަތެއް ބިނާ ކުރުމަށް

• ވަޒީފާއާ ބެހޭ ގާނޫނަށް ހުށަހަޅާފައިވާ އިސްލާހު އަނބުރާ ގެންދިއުމަށް

މިނިމަމް ވޭޖުގެ އަދަދުތައް:

• އަމިއްލަ ކުދި ވިޔަފާރިތައް: ގަޑިއިރަކަށް 21.63ރ.؛ މަހަކަށް 4،500ރ.

• މެދު ފަންތީގެ އަމިއްލަ ވިޔަފާރިތައް: ގަޑިއިރަކަށް ގަޑިއިރަކަށް 33.65ރ.؛ މަހަކަށް 7،000ރ.

• ބޮޑެތި އަމިއްލަ ވިޔަފާރިތައް: ގަޑިއިރަކަށް 38.46ރ.؛ މަހަކަށް 8،000ރ.

• ސިވިލް ސާވެންޓުންނާއި ސަރުކާރުގެ ކުންފުނިތައް: ހަ ގަޑިއިރު މަސައްކަތްކުރާ ދާއިމީ މުވައްޒަފުންނަށް މަހަކު 7،000ރ.؛ ހަ ގަޑިއިރަށް ވުރެ މަދުން މަސައްކަތްކުރާ މީހުންނަށް ގަޑިއިރަކަށް 33.65ރ.ގެ ރޭޓުން