'އޮލިމްޕިއަންސް ވިތު ޔޫތު' ލައިވް ކޮންސާޓް މި މަހު ބާއްވަނީ

'އޮލިމްޕިއަންސް ވިތު ޔޫތު' ގެ ނަމުގައި ލައިވް ކޮންސާޓްއެއް މިމަހު 17 އިން 19ގެ ނިޔަލަށް އޮލިމްޕަހުގައި ބާއްވަން ތައްޔާރުވާން ފަށައިފި އެވެ. 

ދިވެހި ބޭންޑު 'އޮލިމްޕިއަންސް'ގެ ހިތްގައިމު ލަވަތައް ލައިވްކޮށް މި ފަހަރު ގެނެސްދެނީ 28 ލަވަކިއުންތެރިއަކު ބައިވެރިވެގެންނެވެ. އޭގެ ތެރޭގައި އޮލިމްޕިއަންސްގެ މަޝްހޫރު ބައެއް ލަވަކިޔުންތެރިން ވެސް ހިމެނެ އެވެ.

ޝޯގައި ފެންނާނެ ނަން މަޝްހޫރު ފަންނާނުންގެ ތެރޭގައި ހިމެނެނީ:

'އޮލިމްޕިއަންސް ވިތު ޔޫތު'ގެ ލައިވް ކޮންސާޓްއެއް ފޯރިގަދަކޮށް ފުރަތަމަ ފަހަރަށް ބޭއްވީ 2017ގަ އެވެ. މިފަހަރު ވެސް އެ ބޭންޑުގެ މަގުބޫލު ލަވަތައް ކުޅަދާނަ ދިވެހި ފަންނާނުންގެ ހިތްގައިމު އަޑުތަކުން އިވިގެންދާނެކަން ޔަގީނެވެ.

'ދެން ލަލަލާ'، މި ލަފުޒު 2000ގެ އަހަރުތަކުގެ މެދުތެރޭގައި އާއްމު ވެގެން ދިޔަކަން ހަނދާންވަނީ ކޮން ބައެއް ހެއްޔެވެ؟ އޭރު ފެނުނު ސިޔާސީ ކޯޅުންގަނޑުގެ ތެރޭގަ އިދިކޮޅު މީހުން ގިނައިން ބޭނުންކުރި މި ލަފުޒަކީ 'އޮލިމްޕިއަންސް'ގެ ލަވަކިއުންތެރިޔާ ހުސެއިން ޝިހާބް ކިއުއްވި ލަވައެއްގެ ބައެކެވެ.

އޮލިމްޕިއަންސްއަކީ 1970ގެ އަހަރުތަކުގައި މަޝްހޫރުވި އަދި 1980ގެ އަހަރުތަކުގެ ކުރީކޮޅު ވެސް ފެނުނު ސަރުކާރުގެ ބޭންޑެކެވެ. ރާއްޖޭގައި އުފެދުނު އެންމެ ފުރަތަމަ މިއުޒިކް ބޭންޑްތަކުގެ ތެރޭގައި ހިމެނުނު ބޭންޑެއް ވެސް މެ އެވެ. އެއީ ދިވެހި ޒުވާނުންގެ ތެރޭގައި ޒަމާނީ މިއުޒިކަށް އިތުރު ލޯތްބެއް އުފެދުނު ދުވަސްވަރެކެވެ. 'އޮލިމްޕިއަންސް'އިން ވަނީ އޭރު ގަވައިދުން މާލޭގައި ފޯރިގަދަ ޝޯތައް ދީފަ އެވެ.

މި މަހު 17އިން 19ގެ ނިޔަލަށް އޮލިމްޕަހުގައި އޮންނަ ލައިވް ކޮންސާޓު ކޮންމެ ރެއަކު ވެސް ފެށޭނީ 9:00ގަ އެވެ. ޓިކެޓުގެ އަގުތަކަކީ 200ރ. އާއި 250ރ. އެވެ.