ބަދިގޭގައި ހިފައި ގެންގުޅޭ ސާމަނުގެ ރައްކާތެރިކަން ޔަގީންކުރަންވޭ
ތަަތްނުލަވާ ތެއްޔާއި ކެންސަރާ ގުޅުމެއް ވޭތަ؟
ބަދިގެއަކީ ގޭގެ ހިތެވެ. ގޭގައި ކެއިން ބުއިން ތައްޔާރުކޮށް އަދި ކައިހަދައި ތަނެވެ. ބަދިގޭގައި އާއްމުކޮށް ހިފާ ގެންގުޅޭ ބައެއް ސާމާނާއި ކެންސަރާ ގުޅުން ވެ އެވެ. އެހެންކަމުން، ބަދިގޭގައި ހިފައި ގެންގުޅޭ ސާމާނުތަކުން ކުރިމަތިވެދާނެ ނުރައްކާތައް ދެނެގަތުން މުހިއްމެވެ.
ތަތްނުލަވާ ތެލީގައި އާއްމުކޮށް ކެމިކަލްގެ މާއްދާއެއް ކަމަށްވާ ޕާފުލްރޮއޯކްޓަނިކް (ޕީއެފްއޯއޭ) ހިމެނެ އެވެ. މިއީ ކެންސަރާ ގުޅުން ހުންނަ މާއްދާއެއް ކަމަށް ދިރާސާތަކުން ދައްކަ އެވެ.
ޕީއެފްއޯއޭއަކީ އޭގެ ސަބަބުން ވެއްޔާއި، ވަޔާއި ފެން ވެސް ތަގައްޔަރުކޮށްލާ މާއްދާއެކެވެ. އޭގެ އަސަރުތައް ތިމާވެށީގަ އާއި އިންސާނުންގެ ހަށިގަނޑުގައި ގިނަ ދުވަހަށް ދެމިގެންދެ އެވެ.
ތަތްނުލަވާ ތެލި އެންމެ އާއްމުކޮށް އުފައްދާފައި ހުންނަނީ ޓެފްލޯން ބޭނުންކޮށްގެންނެވެ. ޓެފްލޯންއަކީ ޕޮލިޓެޓްރާފުލުރޯއީތެލީން (ޕީޓީއެފްއީ) ނަމަކަަށް ކިޔާ ސިންތެޓިކް ކެމިކަލްއެކެވެ. އޭގެ އެތެރެއަށް ފެނެއް ނުވަދެ އެވެ. އެހެންކަމުން ތަތެއްނުލަވަ އެވެ. މި ކެމިކަލް ބޭނުންކޮށްގެން 1940އިން ފެށިގެން އަންނަނީ ބަދިގޭގެ ސާމާނު ހަދަމުންނެވެ.
ތަޖުރިބާކާރުން ބުނާ ގޮތުގައި ތަތްނުލަވާ ތެއްޔާއި ކެންސަރަށް މަގުފަހިކުރުމާ ޓެފްލޯންއާ ގުޅުމެއް ނެތެވެ. ރިސްކް އޮތީ ޕީއެފްއޯއޭގެ މާއްދާގަ އެވެ. އެހެންކަމުން 2013އިން ފެށިގެން ޓެފްލޯން ބާވަތްތައް ހެދުމުގައި ޕީއެފްއޯއޭ ބޭނުމެއް ނުކުރެ އެވެ.
ތަތްނުލަވާ ތެލި، ތަވާ ހޫނު ގަދަ ކުރުމުން އެއިން އަރާ ޓޮކްސިކް ދުމަކީ އިންސާނުންގެ ސިއްހަތަށް ނުރަނގަޅު އެއްޗެކެވެ. މި ދުމުގެ ސަބަބުން ރޯގާގެ އަލާމަތްތައް ކަހަލަ އަލާމާތްތަކެއް ފެނެ އެވެ.
ނަމަވެސް ޓެފްލޯން އާއި ތަތްނުލަވާ ތެލި ތަވާގެ ބާވަތްތައް ބޭނުން ކުރުމުގައި ބަލަންވާ ބައެެއް ކަންކަން ހުރެ އެވެ. އެގޮތުން:
-
1-
ކައްކާ ތެލި ތަވާ ފަދަ ތަކެތި ގިނަ ދުވަސްވެ ހަލާކުވުމުން ބޭނުންނުކުރާށެވެ.
-
2-
ކައްކާ ތެލީގައި ކާނާ ހޫނުކުރާ އިރު ހުޅުގަނޑު މާ މައްޗަށް ނުބެހެއްޓުން މުހިއްމެވެ. ޓެފްލޯން އާއި ތަތްނުލަވާ ތެލި އަދި ތަވާގައި ހޫނުމިން އާއްމުކޮށް 260 ޑިގްރީއާ ހަމައަށް ބެހެއްޓެ އެވެ. އެކަމަކު މާ ގިނި ގަދަކޮށް ކެއްކުމުގެ ބަދަލުގައި ގިނި އަބަދުވެސް މަޑު ނުވަތަ މެދުމިނުގައި ބެހެއްޓުން މުހިއްމެވެ.
-
3-
އުނދުން މަތީގައި އަލިފާން ރޯކޮށްފައި އެއްވެސް ކާނާއެއް ނާޅާ ތެއްޔާއި ތަވާ ބޭނުންނުކޮށް ނުބަހައްޓާށެވެ.
-
4-
ގަދަ ގިނީގައި ކައްކާ ނަމަ، އެކްސޯސްޓް ފަންކާ ޖައްސާ ނުވަތަ ދޮރު ހުޅުވާލާށެވެ.
-
5-
ކައްކާ އިރު ބޭނުންކުރާ ދޭފަތްތަކަކީ ހަރު މާއްދާއިން އުފައްދާފައިވާ ތަކެތި ނަމަ އެތަކެތި ބަދަލުކުރާށެވެ. ދަގަނޑުން ހަދާފައި ހުންނަ އުދުޅި އާއި ދޭފަތް ބޭނުންކުރާ ނަމަ، ޓެފްލޯން ނެއްޓި ކާއެއްޗެހި ތެރެއަށް ދިއުމަކީ އެކަށީގެންވާ ކަމެކެވެ.
-
6-
ތެލި ތަވާ ދޮވުމުގައި ނަރުގަނޑުލާ ބާރަށް އުނގުޅުމަކީ އޭގެ ނޮންސްޓިކް ކޯޓިން ނެއްޓެން މެދުވެރިވާ ކަމެކެވެ. މިކަމުން ދުރުވާށެވެ.
ކޮމެންޓް (5)
ާއިރާ
މީމަ
ހަމްކޮ
ހޫން
ހޫން