އިއްޔެ ފ. ނިލަންދޫ އަތިރިމަތިން ނަގާފައިވާ ވީޑިއޯއެއްގައި، ބޮޑުމަސް ފެނުން މައްޗަށް ފުންމާލަނީ.
ބޮޑުމަހުގެ ފުރިހަމަ މަންޒަރެއް މިފަހަރު ނިލަންދޫ އަތިރިމަތިން
މުހައްމަދު ސޮބާހަކީ އާއްމުކޮށް ވީޑިއޯ ނަގައި އެޑިޓުކޮށް އުޅޭ މީހެކެވެ. އެހެންވެ، އިއްޔެ ހަވީރު އާއިލާއާ އެކު އޭނާ އަތިރިމައްޗަށް ނުކުމެ އުޅެނިކޮށް ނެގި ބޮޑުމަހެއްގެ މަންޒަރުތައް، ފުރަތަމަ ގިނަ ބަޔަކު ގަބޫލެއް ވެސް ނުކުރި އެވެ. ފ. ނިލަންދޫ ކައިރީގައި، މާކަނޑުގައި 90 ފޫޓުގެ މި މަސް ފަރިދައްކަމުންދިޔަ އާދަޔާހިލާފު މަންޒަރަކީ ހަގީގަތެއްކަން ސާބިތުކޮށްދޭން އޭނާއަށް ގިނަ ވާހަކަތަކެއް ދައްކަން ޖެހުނެވެ.
"ބަލާލަން ވަރަށް ރީތި ހިތްގައިމު މަންޒަރެއް މިއީ. އަޅުގަނޑުމެން ވެސް ތިބީ ބުނާނެ އެއްޗެއް ނޭނގިފައި،" ސޮބާހު ބުންޏެވެ.
"އެކަމަކު އެންމެން ވެސް ބުނަނީ ތިޔައީ އެޑިޓެއް ދޯއޭ."
މި ބްލޫ ވޭލްއަކީ މީގެ ދުވަސްކޮޅެއް ކުރިން ވ. އަތޮޅުން ފެނުނު މަސް ކަމަށް ބެލެވެ އެވެ. އެފަހަރު މި މަސް ފެނުނު ބައެއް މީހުން އެއާއެކު ފީނައި ވީޑިއޯކޮށް ގިނަ ބަޔަކު އާޝޯހުކޮށްލި އެވެ. އެ ހަބަރު ދުނިޔޭގެ ބައެއް މީޑިއާތަކުން ވެސް ގެނެސްދިނީ، އާދަޔާހިލާފު މަންޒަރެއް ކަމަށް ބުނަމުންނެވެ.
@shadowpalmmaldives Today was nothing short of magical. Seeing a blue whale, the largest animal on Earth, left us in awe and deeply moved. This incredible experience reminded us of the ocean's vast wonders and its capacity to surprise us. Moments like these fill our hearts with immense gratitude and a profound respect for nature's beauty. #fy #fyp #fypシ #fypシ゚viral #fypage #whale #ocean #trending #trend #maldives ♬ original sound - Shadowpalm Tours Maldives
@shadowpalmmaldives Witnessing this blue whale has been the pinnacle of our adventures. Swimming alongside it filled us with overwhelming wonder and joy. Our hearts are full of gratitude for the ocean and the unforgettable moments it grants us. #fyp #fypシ゚viral #trending #trendingvideo #tiktok #maafushi #paradise #sea #viral #tiktoklover #tiktokviral #travel #blue #whale #whales #dream ♬ original sound - Shadowpalm Tours Maldives
ނިލަންދޫން ބޮޑުމަސް ފެނުނު ސޮބާހު ބުނިގޮތުގައި ހަވީރުގެ އެ ވަގުތު އަތިރިމަތީގައި އެ މީހުން ތިބީ ސައިބޯށެވެ. ބޮޑުމަސް އެންމެ ފުރަތަމަ ފެނުނީ އެތަނުގައި ހުރި ކުޑަކުއްޖަކަށެެވެ. އެ ކުއްޖާ އެހެން މީހުންނަށް އެ މަސް ދައްކާލީ ކޯމަހެއް ކަމަށް ބުނަމުންނެވެ.
"އެއީ އާއްމުކޮށް ކޯމަސް ފެންނަ ހިސާބެއްކަމުން އަޅުގަނޑުމެން ވެސް ހީކުރީ އެއީ ކޯމަހެއް ކަމަށް. މިއީ ކޯއްޗެއްކަން އެނގުނީ ކުއްލިއަކަށް ބޮޑުމަސް ފުންމާލައި މައްޗަށް އެރީމަ،" ސޮބާހު ބުންޏެވެ.
އޭނާ ބުނިގޮތުގައި 15 ވަރަކަށް މިނިޓް ވަންދެން އެ މަސް އެތަނުގައި ފުންމަފުންމާފައި އުޅުނެވެ. މަސް ލޮލުކޮޅަށް ގޮސް ގެއްލި އޮބާލަންދެން އެ މީހުންނަށް ތިބެވުނީ ހައިރާންވެ ބަލަހައްޓައިގެން ކަމަށް ވެސް އޭނާ ބުންޏެވެ.
މި ބޮޑު މަހުގެ ދިގުމިން އެންމެ ފުރިހަމައަށް ވަޒަންކޮށްލަން ލިބުނީ ކ. މާފުށީގެ އެކްސްކާޝަން ސެންޓަރެއް ކަމަށްވާ ޝެޑޯޕާމް ޓުއާސް އިން ވ. އަތޮޅުގައި ނެގި ވީޑިއޯއިންނެވެ. އެ ވީޑިއޯ އެމެރިކާގެ އޭބީސީ ނިއުސްއިން ވެސް ގެނެސްދިނެވެ.
އެހާ ބިޔަ ބޮޑުމަސް ރާއްޖޭގެ ކަނޑުތަކުން މާ އާއްމުކޮށް ނުފެނުނު ނަމަވެސް، އެހެން ސަރަހައްދުތަކުން ހިޖުރަކުރާ އެފަދަ ބޮޑުމަހުގެ ރީތިކަން ރާއްޖެއިން ދެކިލުމުގެ ނަސީބު ލިބެ އެވެ.
ކޮމެންޓް (1)
ޢރއރ