ޖުވެލް ހަބް: ފެންވަރު ރަނގަޅު ގަހަނާ ވިއްކާ އާ ފިހާރައެއް

ބިޒްނަސް ވެންޗާ މޯލްޑިވްސް އިން ޖުވެލް ހަބްގެ ނަމުގައި މާލޭގައި އާ ގަހަނާ ފިހާރައެއް ހުޅުވައިފި އެވެ.

ދުނިޔޭގެ އެކި ކަންކޮޅުތަކުން ލިބެން ހުންނަ އެކި ފެންވަރުގެ ގަހަނާ ދިވެހިންނަށް އެކަށީގެންވާ ރަނގަޅު އަގެއްގައި ޖުވެލް ހަބް އިން ލިބެން ހުންނާނެ ކަމަށް ކުންފުނީގެ މެނޭޖިން ޑިރެކްޓަރު ހަސަން މުހައްމަދު ވިދާޅުވި އެވެ. 

އަސްލު އަލިމަހާއި އަގުހުރި އެސް ޖަހާފައި ހުންނަ ގަހަނާގެ އިތުރުން، ކޮންމެ ދުވަހަކު ވެސް އަޅާލަން އެކަށީގެންވާ ސާދާ ގަހަނާ ވެސް އެ ފިހާރައިން ވިއްކަ އެވެ.

މަޝްހޫރު ބްރޭންޑްތަކުގެ އެންމެ ފަހުގެ އޮރިޖިނަލް އުފެއްދުންތައް ވެސް މި ފިހާރައިން ލިބެން ހުންނާނެ ކަމަށް ހަސަން ވިދާޅުވި އެވެ. އޭގެ ތެރޭގައި އަވިއައިނާއި ނަންބަރު އައިނު ހެދުމަށް ބޭނުން ކުރާ ބްރޭންޑެޑް ފްރޭމް ހިމެނެ އެވެ.

މީގެ އިތުރުން، ކަސްޓަމަރުން ބޭނުންވާ ގޮތަށް އެކި ޑިޒައިންތަކަށް ކައިވެނި އަނގޮޓި އާއި އެންގޭޖްމެންޓް އަނގޮޓި އަދި ކަރުގައި އަޅާ ފަށާއި ކަންފަތުގައިލާ ތަފާތު ވައްތަރުގެ ގަހަނާ ޖުވެލް ހަބްއިން ތައްޔާރުކޮށްދެ އެވެ. އެ މީހަކު ބޭނުންވާ ނަމެއް ވެސް ގަހަނާގައި ޖަހައިދެ އެވެ.

ހަސަން ވިދާޅުވިގޮތުގައި ކައިރި މުސްތަގުބަލެއްގައި ދުނިޔޭގެ މަޝްހޫރު އިތުރު ބްރޭންޑުތައް މި ފިހާރައަށް ތައާރަފު ކުރާނެ އެވެ.

ހިތްގައިމު ޑިޒައިނަކަށް ހަދާފައިވާ ޖުވެލް ހަބް ހުޅުވުމުގެ ރަސްމިއްޔާތުގައި ކުންފުނީގެ ވެރިންނާއި ރާއްޖޭގެ ބައެއް ސޯޝަލް މީޑިއާ އިންފްލުއެންސަރުން ބައިވެރިވި އެވެ.

ފިހާރައިގައި 

ޖުވެލް ހަބް ހުންނަނީ އޯކިޑްމަގާއި ޗާނދަނީމަގު ގުޅޭ ކަންމަތީގައި ޗަމްޕާ ބިލްޑިންގެ ގްރައުންޑް ފްލޯގަ އެވެ.