ޑަޔާނާ ފުރަތަމަ ފަހަރަށް މި ހެދުން ހެދުން ތުރުކުރީ 1985 ވަނަ އަހަރު ފްލޮރެންސްގެ މޭޔަރާ އެކު ބޭއްވި ރޭގަނޑުގެ ފަރިއްކޮޅެއްގައި.
ޕްރިންސެސް އޮފް ވޭލްސް ޑަޔާނާ 1985 ވަނަ އަހަރު ތުރުކުރެއްވި ހެދުންކޮޅެއް ނީލަމުގައި، ކުރިން އަންދާޒާކުރި އަގަށް ވުރެ 11 ގުނަ ބޮޑުކޮށް، 1.14 މިލިއަން ޑޮލަރަށް ވިއްކާލައިފި އެވެ.
ހޮލީވުޑްގެ ޖޫލިއަންސް ނީލަމުގައި ވިއްކާލި ކަޅު، ވެލްވެޓް ހަވީރީ ހެދުން ވެގެން ގޮސްފައިވަނީ ފެޝަންގެ އާ ރެކޯޑެއް މުގުރާލި މުއާމަލާތަކަށެވެ.
އެ ހެދުން ވިއްކާނެ ކަމަށް ލަފާކޮށްފައި ވަނީ 100،000 ޑޮލަރަށެވެ. އެ ހެދުމާ އެކު ހިމެނޭ އެހެނިހެން ތަކެތީގެ ތެރޭގައި، ޝޯލްޑާ ޕެޑާއި ތުނި ނޫ ކުލައިގެ ސްކާޓަކާއި ބޮޑު ދަބަހެއްގެ އިތުރުން ސޭޝްއެއް ހިމެނެ އެވެ.
ޑަޔާނާ އެންމެ ފުރަތަމަ މި ހެދުން ތުރުކުރެއްވީ 1985 ވަނަ އަހަރު އިޓަލީގެ ފްލޮރެންސްގައި އޭނާގެ އޭރުގެ ފިރިކަލުން، އޭރުގެ ޕްރިންސް އޮފް ވޭލްސް އަދި މިހާރުގެ ރަސްގެފާނު ޗާލްސްއާ އެކު ޝާހީ ދަތުރެއްގައި ރޭގަނޑުގެ ފަރިކޮޅެއްގަ އެވެ. އޭގެ ފަހުން 1986 ވަނަ އަހަރު ވެންކޫވާ ސިމްފަނީ އޯކެސްޓްރާގައި ވެސް އެ ހެދުން ތުރުކުރެއްވި އެވެ.
މިއީ ދުނިޔޭގެ މަޝްހޫރު ޓެކްސްޓައިލް ވިޔަފާރިވެރިޔާ ޖެކޮބް ޝްލެފާ އިހްތިޔާރުކުރި ފޭރާމެއް ބޭނުންކޮށްގެން ފަހާފައިވާ ހެދުމެވެ.
ޑަޔާނާ މި ހެދުމާ އެކު ބެލެރީނާ ސްކާޓް ތުރުކުރެއްވުމަކީ އިނގިރޭސި ނޭޝަނަލް ބެލޭއަށް އޮތް ލޯތްބަށް ލިބުނު ހިތްވަރެއް ކަމަށް ބެލެވުނެވެ.
މީގެ ކުރިން ޑަޔާނާގެ އެންމެ އަގުބޮޑު ހެދުމަކީ 1991 ވަނަ އަހަރު ވިކްޓާ އެޑެލްސްޓެއިންގެ ވެލްވެޓް ހެދުމެކެވެ. އެ ހެދުން މިދިޔަ ޖެނުއަރީ މަހު 604،800 ޑޮލަރަށް ވިއްކާލާފައިވެ އެވެ.
ޝާހީ އާއިލާއާ އެކު ހޭދަކުރެއްވި ދުވަސްވަރު ޑަޔާނާ ވަނީ މޮރޮކޯ-އިނގިރޭސި ފެޝަން ޑިޒައިނަރު ޑިޒައިންކޮށްފައިވާ ގިނަ ހެދުންތަކެއް ތުރުކުރައްވައިފަ އެވެ.