ދިވެހި ބްރޭންޑު 'ކްލެވެންޓީ'ގެ ފިހާރައެއް ހުޅުވައިފި

ދިވެހިންގެ ތެރޭގައި މަގުބޫލު އަތުކުރީ ގަޑި ބްރޭންޑު 'ކްލެވެންޓީ'ގެ ފުރަތަމަ ފިހާރަ ރޭ ހުޅުވައިފި އެވެ.

ހިތްގައިމު ޑިޒައިނަކަށް ފަރުމާކޮށްފައިވާ ކްލެވެންޓީގެ ފްލޭގްޝިޕް ފިހާރަ ހުޅުވައިދެއްވީ ރައީސް އިބްރާހީމް މުހައްމަދު ސޯލިހާއި އެ މަނިކުފާނުގެ އަނބިކަނބަލުން ފަޒްނާ އަހުމަދެވެ.

މި ހަފްލާގައި ކްލެވެންޓީގެ ފައުންޑަރު އިބްރާހިމް ޒިމާމް ބްރޭންޑާ ބެހޭ ގޮތުން ކުރު ތައާރަފެއް ރައީސްގެ ދެކަނބަލުންނަށް ދިނެވެ. މީގެ އިތުރުން، ފިހާރައިގައި ހުރި އުފެއްދުންތައް ދައްކާލައި އެ ތަކެއްޗާ ބެހޭ މައުލޫމާތު ވެސް ދިނެވެ.

އަތުކުރީ ގަޑި ބްރޭންޑެއްގެ ގޮތުގައި 2018 ވަނަ އަހަރު ފެށި ވިޔަފާރި މިހާރު ސެންޓު، ހާރު އަދި އަތުގައި އަޅާ ގަހަނާ ވެސް ހިމެނޭ ގޮތަށް މިހާރު ވަނީ ފުޅާކޮށްފަ އެވެ. ރާއްޖޭގެ ފުރަތަމަ ޕްރީމިއަމް އަތުކުރި ގަޑި އުފައްދާ ބްރޭންޑުގެ ގޮތުގައި ތައާރަފުކުރި ކްލެވެންޓީ ފެށީ ކުޑަ ވިޔަފާރިއެއްގެ ގޮތުގަ އެވެ. އޭރު ނެރުނީ އެންމެ 50 ގަޑި އެވެ. ނަމަވެސް، މިހާރު ރާއްޖެ އާއި ދުނިޔޭގެ އެކި ކަންކޮޅުތަކަށް ކްލެވްންޓީގެ އުފެއްދުންތައް ވިއްކަ އެވެ.

ގިނަ އަދަދެއްގެ ދިވެހި އަންހެނުންނަށް ކަމުދާ ކްލެވެންޓީ ފުރަތަމަ ވިދާލީ އެ މީހުންގެ ހިތްގައިމު ފެޝަން ފޮޓޯތަކުންނެވެ. 

ކޮންމެ މުނާސަބަތަކާ ގުޅޭ ގޮތަށް ފަރުމާކޮށްފައިވާ އަތުކުރީ ގަޑިތަކުގެ އެކި ވައްތަރުގެ ޑިޒައިން ކަލެކްޝަން މިހާތަނަށް ކްލެވެންޓީން ނެރެފައިވެ އެވެ.

މީގެ އިތުރުން، ކްލެވެންޓީގެ ހަތަރު ވަނަ އަހަރީ ދުވަހާ ދިމާކޮށް ހާއްސަ ކަލެކްޝަނެއް މިދިޔަ ހަފްތާގައި ވަނީ ތައާރަފްކޮށްފަ އެވެ. 'އަމޯރް'ގެ ނަން ދީފައިވާ އެ ކަލެކްޝަނުގައި ހަ ސްޓައިލެއްގެ އަތުކުރީ ގަޑި ހިމެނެ އެވެ. މިއީ ކްލެވެންޓީގެ ފުރަތަމަ 'ލެދާ ސްޓްރެޕް' ވައްތަރެވެ. އަދި ސްޓްރެޕް ބަދަލުކޮށްލަން ބޭނުން ނަމަ ފަސޭހައިން ބަދަލު ކޮށްލެވޭ 'ކުއިކް-ރިލީސް' އޮޕްޝަން ވެސް ހިމެނެ އެވެ. 

މާފަންނު ހަނދުވަރީ ހިނގުމުގައި ހުންނަ ކްލެވެންޓީގެ ފްލޭގްޝިޕް ފިހާރަ އާންމުންނަށް ހުޅުވާލީ ރޭ 8 ޖެހި އިރު އެވެ. 

މި ފިހާރަ ހުޅުވާާފައި ހުންނާނީ: