ފިލްމު 'ކަމަނާ'ގެ ޓްރެއިލާ ދައްކާލައިފި

ގެވެށި އަނިޔާގެ ހަގީގީ ހާދިސާއަކަށް ބިނާކޮށް އުފައްދައި އަންނަ އޯގަސްޓް މަހު އޮލިމްޕަހުގައި އެޅުވުމަށް ހަމަޖެހިފައިވާ ފިލްމް 'ކަމަނާ'ގެ ޓްރެއިލާ މިހާރު ބަލާލެވޭނެ އެވެ.

މަހުދީ އަހުމަދުގެ ސްކްރީންޕްލޭއަކަށް އަލީ ޝާނީޒް ޕްރޮޑިއުސްކޮށް ހުސެއިން މުނައްވަރު ޑައިރެކްޓްކޮށްފައިވާ މި ފިލްމުގެ ލީޑް ތަރިންނަކީ މަރިޔަމް އަައްޒަ އާއި ޔޫސުފް ޝަފީއު (ޔޫއްޕެ) އަދި އައިމިނަތު ރަޝްފާ (އާޝާ) އެވެ.

ޓްރެއިލާގެ މަންޒަރުތައް ބަލާލުމުން، ފިލްމުގެ ތަރިން ރަނގަޅު އެކްޓިންއެއް ދައްކާފައިވާކަން ފާހަގަކުރެވެ އެވެ. 

މި ފިލްމް ކުޅުމަށް އަައްޒަ ވަނީ އޭނާގެ ހަށިގަނޑަށް ބޮޑު ބަދަލެއް ގެނެސްފަ އެވެ. 

ކިޑް ޕްރޮޑަކްޝަން އާއި ސެޓާން ސްޓޫޑިއޯ ގުޅިގެން ގެނެސްދޭ މި ފިލްމްގެ ޓިކެޓް އަންނަ ހޮނިހިރު ދުވަހުން ފެށިގެން އޮލިމްޕަހުން ވިއްކާނެ އެވެ.