ނެޓްފްލިކްސްގައި ޝާހު ރުކްގެ ޖަވާންއަށް ވަރަށް ބޮޑު ތަރުހީބެއް

ޝާހު ރުކް ހާންގެ ޖަވާން، 2 ނޮވެމްބަރުގައި، ނެޓްފްލިކްސްގައި ދައްކަން ފެށުމާ އެކު މިހާރު ވެސް 15 މިލިއަން ގަޑިއިރު ބަލައިފި އެވެ.

މީގެ ތެރެއިން 5.9 މިލިއަން ގަޑިއިރުގެ ވިއުސް ލިބުނީ ނެޓްފްލިކްސްގައި ދައްކަން ފެށި ހަފްތާބަންދުގަ އެވެ.

ގްލޯބަލް ބޮކްސް އޮފީހުގައި ވެސް ކާމިޔާބު މި ފިލްމަށް ސިނަމާތަކުގައި ދައްކައިގެން 110 ކްރޯޑް ރުޕީސް ލިބުނެވެ.

ނެޓްފިލްކްސް ވާޝާންގައި ތިއޭޓަރުގައި ދެއްކި ފިލްމަށް ވުރެ ގިނަ މަންޒަރުތައް ހިމެނެ އެވެ. ސިނަމާތަކުގައި އެޅުވި ފިލްމުން އެ މަންޒަރުތައް އުނިކުރީ މާ ގިދުވާތީ އެވެ. ނެޓްފިލްކްސް ވާޝަންގައި ދެ ގަޑިއިރާއި 50 މިނެޓުު ހޭދަވެ އެވެ.

ނެޓްފިލްކްސްގައި ޖަވާންއަށް ލިބެމުން އަންނަނީ ވަރަށް ބޮޑު ތަރުހީބެކެވެ. އެގޮތުން 18 ގައުމެއްގެ ގަދަ 10 ގައި ފިލްމު ހިމެނެ އެވެ. އެގޮތުން ރާއްޖޭގެ އިތުރުން އިންޑިއާ، ސްރީ ލަންކާ، ޔޫއޭއީގައި ވެސް އެއްވަނައަށް ބަލަމުން އަންނަނީ ޖަވާން އެވެ. 

 ފިލްމު ބިނާވެފައިވަނީ ސަރުކާރުގައި ހިންގާ ކޮރަޕްޝަން އާއި އެކަމުން ރައްޔިތުންނަށް ތަހައްމަލް ކުރަން ޖެހޭ އަނިޔާވެރިކަމުގެ މައްޗަށެވެ. 

ފިލްމުގައި ޝާހު ފެންނަނީ ޑަބަލް ރޯލުންނެވެ. ބައްޕަ އާއި ދަރިފުޅެވެ.

ޝާހު ރުކްގެ ރެޑް ޗިލީ އެންޓަޓެއިންމެންޓްގެ ބެނާގެ ދަށުން އޭނާގެ އަންހެނުން ގޯރީ ހާން ޕްރޮޑިއުސްކުރި މި އެކްޝަން ފިލްމުގެ ޑައިރެކްޓަރަކީ އެޓްލީ ކުމާރެވެ.