ޝާހު ރުކް ހާން 'ޖަވާން'ގެ މަންޒަރެއްގައި
'ޖަވާން' އެޅުވުމުގެ ކުރިން އެތައް ލައްކަ ޓިކެޓެއް ވިކިއްޖެ
ރެކޯޑްތައް މުގުރާލާނެ ކަމަށް ބެލެވިފައިވާ 'ޖަވާން' މާދަމާ ރިލީޒްކުރުމުގެ ކުރިން އެތައް ލައްކަ ޓިކެޓެއް ވިކިއްޖެ އެވެ.
އެނަލިސްޓް މަނޮބަލާ ވިޖެޔަބާލަން އިއްޔެ ހަވީރު އެކްސްގައި ބުނެފައިވާ ގޮތުގައި ޝާހު ރުކް ހާންގެ އާ އެކްޝަން ފިލްމުގެ ފުރަތަމަ ދުވަހަށް ހަމައެކަނި އިންޑިއާގައި 837،600 ޓިކެޓު ވަނީ ވިކިފަ އެވެ. އަދި ދުނިޔޭގެ ބޮކްސް އޮފީހުގައި އެޑްވާންސް ޓިކެޓުތަކުން އެ ފިލްމަށް 37.36 ކްރޯޑު (373.6 މިލިއަން) ރުޕީސް ލިބިފައިވާ ކަމަށް އޭނާ ރޭ ބުންޏެވެ.
BREAKING: #Jawan Day 1 Advance Sales
— Manobala Vijayabalan (@ManobalaV) September 5, 2023
CROSSES 8.3 lac ticket milestone mark for the opening day.
||#ShahRukhKhan| #2DaysToJawan||
National Multiplexes
PVR - 1,70,295
INOX - 1,15,218
CINEPOLIS - 57,120
Total SOLD
Tickets - 3,42,633
Gross - ₹ 13.04 cr
City… pic.twitter.com/PqR9LD8cBm
ބޮލީވުޑްގެ ހަބަރުތައް ގެނެސްދޭ ޕިންކްވިލާ އިން ބުނިގޮތުގައި 'ޖަވާން'ގެ ޓިކެޓު ބައެއް ތަންތަނުގައި ވަނީ ޝާހު ރުކްގެ އެންމެ ފަހުގެ ބްލޮކްބަސްޓާ 'ޕަޓާން'ގެ އެޑްވާންސް ޓިކެޓް ވިކުނު ވަރަށް ވުރެ ވެސް މާ ގިނައިން ވިކިފަ އެވެ.
އަދި މުޅި އިންޑިއާގައި ސިނަމާތައް ހިންގާ ތިން ކުންފުނި ކަމަށްވާ ޕީވީއާރް އާއި އިނޮކްސް އަދި ސިނެޕޮލިސްގެ ތަންތަނުން ތާރީހުގައި ވެސް އެޑްވާންސްކޮށް އެންމެ ގިނަ ޓިކެޓު ވިކުނު ފަސްވަނަ ފިލްމުގެ މަގާމް 'ޖަވާން' އިން ހޯދާފައިވާ ކަމަށާއި އެ ފިލްމު ގަދަ ތިނެއްގެ ޖާގައެއް ހޯދާނެ ކަމަށް ލަފާކުރެވޭ ކަމަށް ވެސް ޕިންކްވިލާ އިން ބުނެފައިވެ އެވެ.
އިންޑިއާގެ ދެކުނު ސިނަމާ އިން ބޮލީވުޑަށް ތައާރަފްވާ ނަޔަންތަރާ އާއި ޝާހު ރުކް އެކުގައި ފެންނާނެ 'ޖަވާން'ގެ ލަވަތަކާއި ޓްރެއިލާ ފެނި ގިނަ ބަޔަކު ތިބީ ފިލްމަށް އިންތިޒާރު ކޮށްގެންނެވެ.
ކޮމެންޓް