ރޯދައާ ދިމާކޮށް މާލޭގައި ނައިޓް މާކެޓެއް ބާއްވަނީ

ކުރިއަށް އޮތް ރޯދަ މަހާ ދިމާކޮށް މާލޭގައި ނައިޓް މާކެޓެއް ކުރިއަށް ގެންދަން ނިންމާފައިވާ ކަމަށް މާލޭ ސިޓީ ކައުންސިލުން ބުނެފި އެވެ.

ވީ ކިހިނެއް؟ - ކައުންސިލުގެ ތަރުޖަމާނު މަރްޔަމް ޝިއުނާ ވިދާޅުވީ ނައިޓް މާކެޓް ކުރިއަށް ގެންދަން ނިންމާފައި ވަނީ މާޗު 28 ވާ ހޯމަ ދުވަހުން ފެށިގެން، 10 ދުވަހުގެ މުއްދަތަކަށް އުސްފަސަގަނޑު ސަރަހައްދުގައި ކަމަށެވެ.

ތަފްސީލް - ކައުންސިލްގެ ސިޓީ ނައިޓް މާކެޓްގެ ކޯ-އޯގަނައިޒަރަކަށް ވުމަށް ހުށަހެޅި ޕްރޮޕޯސަލްތަކުގެ ތެރެއިން ހޮވިފައިވަނީ މައި ފިއުޗާ ޕްރައިވެޓް ލިމިޓެޑް އެވެ. ކައުންސިލުން ބުނީ މޭޒު ވިއްކުން އޮންނާނީ މާދަމާ ހެނދުނު 10 ޖަހާއިރު ކައުންސިލްގެ އާންމު ހިދުމަތްތަކާބެހޭ ބައިގެ ގޯތި ތެރޭގައި ކަމަށެވެ.

ގުޅުންހުރި ކަމެއް - ރޯދަ މަހަށް ހާއްސަކޮށްގެން، މާލޭގެ ދެ ސަރަހައްދެއްގައި ވަގުތީ މާރުކޭޓުތަކެއް ގާއިމުކުރަން ވެސް ކައުންސިލުން ވަނީ ނިންމައިފަ އެވެ.