މިފްކޯގެ ސީއީއޯއަކަށް ޔޫކުރެއިންގެ ބޭފުޅަކު ހަމަޖައްސައިފި

ސަރުކާރުގެ މަސް ކުންފުނި، މިފްކޯގެ ސީއީއޯ އަދި އެމްޑީ ކަމަށް ޔޫކުރެއިންގެ ރައްޔިތަކު ހަމަޖައްސަން ނިންމައިފި އެވެ. 

ވީ ކިހިނެއް؟ - އިތުބާރުހުރި މަސްދަރުތަކުން 'ދައުރު'އަށް ކަށަވަރުވެފައިވާ ގޮތުގައި މިފްކޯގެ ސީއީއޯ ކަމަށް ހަމަޖައްސަން ކުންފުނިތައް ބަލަހައްޓާ، ޕްރައިވެޓައިޒޭޝަން އެންޑް ކޯޕަރައިޓައިޒޭޝަން ބޯޑް (ޕީސީބީ)ން މިހާރު ނިންމާފައި ވަނީ ކްރައިސިސް މެނޭޖްމަންޓުގެ ދާއިރާއިން 20 އަހަރު ދުވަހުގެ ތަޖުރިބާ ލިބިފައިވާ ޔޫކުރެއިނަށް އުފަން މިހާރު ސުވިޒަލޭންޑުގައި ދިރިއުޅުއްވާ ޑރ. ވިޓާލީ ލުބިމޯވް އެވެ. 

ތަފްސީލް - ކަށަވަރުވެފައިވާ ގޮތުގައި މި ހަފްތާ ތެރޭ އޭނާ ރާއްޖެ ވަޑައިގެން މިފްކޯގެ ސީއީއޯގެ ވަޒީފާ އަދާކުރައްވަން ފައްޓަވާނެ އެވެ. 

ވިޓާލީގެ ލިންކްޑްއިން ޕްރޮފައިލްގައި ބުނާ ގޮތުން އޭނާ ވަނީ އިކޮނޮމިކްސް އާއި ޕަބްލިކް އެޑްމިނިސްޓްރޭޝަންގެ ދާއިރާއިން ޕީއެޗްޑީ ހާސިލްކުރައްވައިފަ އެވެ. އޭނާ އަކީ އަޑިއަޅާލާފައިވާ ކުންފުނިތައް ދެމެހެއްްޓެނިވި ވިޔަފާރި މޮޑެލްއަކަށް ބަދަލުކުރުމުގެ ތަޖުރިބާ ހުންނެވި ބޭފުޅެއް ކަމަށް އޭނާގެ ޕްރޮފައިލްގައި ބުނެ އެވެ.

އެގޮތުން އޭނާ ވަނީ: 

އެނގުން މުހިންމު - މި ސަރުކާރު އައުމަށް ފަހު މިފްކޯގެ ސީއީއޯ އަދި މެނޭޖިން ޑިރެކްޓަރަކަށް ހަމަޖެއްސީ އަހުމަދު ޝަމާހު ރަޝީދު އެވެ. އޭނާގެ މައްޗަށް ތުހުމަތުވި ކޮރަޕްޝަންގެ މައްސަލަތަކެއް ބެލުމަށް ފަހު ސަރުކާރުން ވަނީ މޭ މަހުގެ ތެރޭ އޭނާ މަގާމުން ވަކިކޮށްފަ އެވެ. އެއަށް ފަހު މިފްކޯގެ އެމްޑީ އަދި ސީއީއޯގެ މަގާމު އޮތީ ހުސްކޮށެވެ. 

މިފްކޯއަށް ސީއީއެއް ހޯދަން ޖުލައި މަހުން ފެށިގެން ވަނީ އިއުލާންކޮށްފަ އެވެ. މިފްކޯގެ ބޯޑަށް މަސްވެރިން ތަމްސީލްކުރާނޭ ޑިރެކްޓަރަކު ވަނީ ހަމަޖައްސައިފަ އެވެ.