ފޮރެކްސް ބިލް: ވިޔަފާރިވެރިންނަށް ކޮންމެހެން އެނގެން ޖެހޭ ކަންކަން

ބައެއް ވިޔަފާރިތަކުން ޑޮލަރު މާރުކުރަން ޖެހޭ އަދަދަށް ބަދަލެއް

• މީހުން ދިރިއުޅޭ ރަށްރަށުގެ ހޮޓާތައް މިހާރު "ކެޓަގަރީ ބީ" ގެ ގޮތުގައި ގިންތިކޮށް ކޮންމެ ޓޫރިސްޓެއްގެ ބޮލަށް 25 ޑޮލަރު މާރުކުރަން ޖެހޭ ގޮތަށް ބަދަލުކުރުން 

• ސަފާރީތަކާއި ޓޫރިސްޓު އުޅަނދުތައް ކެޓަގަރީ ބީގެ ތެރޭގައި ހިމަނާފައިވާއިރު ޑޮލަރު މާރުކުރަން ޖެހޭނީ 25 ޑޮލަރު

• 24 ގަޑިއިރަށް ވުރެ ކުރު މުއްދަތަކަށް ރިސޯޓްގައި ތިބޭ ފަރާތްތައް

• ދެ އަހަރުން ދަށުގެ ކުދިން 
  

• ރިސޯޓްތަކުގައި ހިލޭ ބައިތިއްބާ ފަރާތްތައް  
  

އާމްދަނީއަށް 20 މިލިއަން ޑޮލަރު ލިބޭނަމަ މާރުކުރަން މަޖުބޫރު

• އެއްވެސް މިންވަރަކަށް ބޭރު ފައިސާއިން އާމްދަނީ ލިބޭ ކޮންމެ ވިޔަފާރިއަކީ ވެސް ބޭރު ފައިސާ ލިބޭ ކުންފުންޏެއްގެ ގޮތުގައި ބެލޭނޭ ކަމަށް ބިލުގައިވޭ؛ ވިޔަފާރީގެ ކުޑަ ބޮޑުމިނުގެ ސަބަބުން އިސްތިސްނާއެއް ނުވޭ

• އެހެންކަމުން، ބޭރު ފައިސާ އެއްވެސް މިންވަރަކަށް ލިބޭ ވިޔަފާރިތަކުން އެމްއެމްއޭގައި ރަޖިސްޓްރީ ކުރުން ވެސް ލާޒިމް 

• އެ ވިޔަފާރިތަކަށް ލިބޭ ހުރިހާ ބޭރު ފައިސާގެ އާމްދަނީއެއް ރާއްޖޭގެ ބޭންކަކަށް ޖަމާކުރުން ވެސް ލާޒިމްކުރޭ

• ޓީޖީއެސްޓީއަށް ރަޖިސްޓްރީ ކޮށްފައި ނުވާ ނަމަވެސް ބޭރު ފައިސާއިން އަހަރަކު 20 މިލިއަން ޑޮލަރަށް ގިނައިން އާމްދަނީ ލިބޭ ކޮންމެ ވިޔަފާރިއަކުން ޑޮލަރު މާރުކުރަން ލާޒިމްކުރޭ 

• އެފަދަ ވިޔަފާރިތަކަށް މަހަކު ލިބޭ ބޭރު ފައިސާގެ އާމްދަނީގެ %25އަށް ވުރެ ބޮޑު ނުވާނޭ އަދަދެއް މާރުކުރަން މަޖުބޫރު 

• އެފަދަ ވިޔަފާރިތަކުން ސީދާ މާރުކުރަން ޖެހޭ އަދަދު ކަނޑައަޅާނީ އެ ގާނޫނުގެ ދަށުން އެމްއެމްއޭއިން ހަދާ ގަވައިދަކުން

ޖޫރިމަނާތަކާއި އެމްއެމްއޭއަށް އިތުރު ބާރުތަކެއް

• ބޭރު ފައިސާ ބޭންކަށް ޖަމާނުކުރުން: މަހުން މަހަށް ލިބޭ އާމްދަނީގެ %0.05 އިން ޖޫރިމަނާކުރުން، އަދި ޖާމަނުކޮށް ހޭދަވާ ކޮންމެ ދުވަހަކަށް އާމްދަނީގެ %0.05އިން ޖޫރިމަނާކުރުން.

• ލާޒިމްކުރާ އަދަދަށް ބޭރު ފައިސާ މާރުނުކުރުން: މަހުން މަހަށް ލިބޭ އާމްދަނީގެ %0.1އިން ޖޫރިމަނާ ކުރުން، އަދި މާރުނުކޮށް ހޭދަވާ ކޮންމެ ދުވަހަކަށް އާމްދަނީގެ %0.1އާ ހަމައަށް ޖޫރިމަނާކުރުން.

• އެހެނިހެން ޒިންމާތައް އަދާނުކުރުން: ގާނޫނަށް ބޯނުލެބުމުގެ ކުޑަބޮޑުމިނަށް ބަލައި 10،000ރ. އާއި 1 މިލިއަން ރުފިޔާއާ ދެމެދުގެ އަދަދަކުން ޖޫރިމަނާކުރުން.