ގީފާ 2024ގައި ރާއްޖެ އަށް ލިބުނު އެވޯޑާ ފިނޭންސް މިނިސްޓަރު ޝަފީގު ހަވާލުވެ ވަޑައިގަންނަވަނީ
ގީފާ ގްލޯބަލް އިސްލާމިކް ފައިނޭންސް ލީޑާޝިޕް އެވޯޑް ރާއްޖެ އަށް ލިބިއްޖެ
ރާއްޖޭގައި އިސްލާމިކް ފައިނޭންސް ކުރިއެރުވުމަށް ކުރާ މަސައްކަތާ އެކު ގްލޯބަލް އިސްލާމިކް ފައިނޭންސް އެވޯޑްސް (ގީފާ) 2024ގެ ގްލޯބަލް އިސްލާމިކް ފައިނޭންސް ލީޑާޝިޕް އެވޯޑް ރާއްޖެ އަށް ލިބިއްޖެ އެވެ.
ވީ ކިހިނެއް؟ - ރޭ ވިލާ ނޯޓިކާ ޕެރަޑައިސް އައިލެންޑް ރިސޯޓުގައި އޮތް ގީފާ 2024 ހަފްލާގައި ރާއްޖޭގެ ފަރާތުން އެވޯޑާ ހަވާލުވެ ވަޑައިގަތީ ފިނޭންސް މިނިސްޓަރު ޑރ. މުހައްމަދު ޝަފީގެވެ.
ތަފްސީލް - ރޭގެ ހަފްލާގައި އިސްލާމިކް ފައިނޭންސް އާ ގުޅުން ހުރި އެކި ދާއިރާތަކުން ރާއްޖޭގެ ކުންފުނިތަކަށާއި އިސްލާމިކް ފައިނޭންސްގެ ދާއިރާގައި ހަރަކާތްތެެރިވެވަޑައިގަންނަވާ ބޭފުޅުންނަށް އެވޯޑު ލިބުނެވެ.
އެގޮތުން ކުރީގެ ރައީސް ޑރ. މުހައްމަދު ވަހީދު ހަސަން މަނިކުގެ ވެރިކަމުގައި ރާއްޖޭގައި އިސްލާމިކް ފައިނޭންސް ކުރިއެރުވުމަށް ކުރެއްވި މަސައްކަތްތަކަށާއި މިހާރު ވެސް އިސްލާމިކް ފައިނޭންސްގެ ދާއިރާ އަށް އަށް ކޮށްދެއްވަމުން އަންނަ މަސައްކަތްތަކުގެ އަގު ވަޒަންކޮށް ގީފާ އިން ދޭ އެންމެ ޝަރަފުވެރި އެއް އެވޯޑު ކަމަށްވާ ގީފާ ގްލޯބަލް އިސްލާމިކް ފައިނޭންސް ލީޑަޝިޕް އެވޯޑު ކުރީގެ ރައީސް މުހައްމަދު ވަހީދަށް ވަނީ އަރުވައިފަ އެވެ.
މީގެ އިތުރުން:
-
ޕައިނިއާ އިން ތަކާފުލް އެވޯޑް2024 ލިބުނީ އަމާނާ ތަކަފުލް މޯލްޑިވްސް އަށް
-
ނަން ބޭންކް އިސްލާމިކް ފައިނޭންސިން 2024 އެވޯޑު ލިބުނީ އެލިއާ އިންވެސްޓުމެންޓްސް އަށް
-
ގީފާ އެކްސެލެންސް އެވޯޑް، އިސްލާމިކް ބޭންކިން 2024 އެވޯޑު ލިބުނީ ބީއެމްއެލް އިސްލާމިކް އަށް
-
ގީފާ އެކްސެލެންސް އެވޯޑް، ޑިޖިޓަލް ޓްރާންސްފޮމޭޝަން އެވޯޑު ލިބުނީ މޯލްޑިވްސް އިސްލާމިކް ބޭންކް އަށް
-
އިސްލާމިކް ފައިނޭންސް އެޑްވޮކަސީ އެވޯޑު ލިބިވަޑައިގަތީ ޕްރޮފެސާ ޑރ. އާއިޝަތު މުނީޒާ އަށް
-
ޓްރާންސްފޮމޭޝަން ލީޑާގެ އެވޯޑު ލިބިވަޑައިގަތީ މޯލްޑިވްސް އިސްލާމިކް ބޭންކުގެ މެނޭޖިން ޑިރެކްޓަރު އަދި ސީއީއޯ މުފައްދަލް އިދްރީސް ހުމާރީ އަށް