ދިރާގުން އަހަރީ ހަދިޔާއަކަށް މިފަހަރު ދެނީ ލޯންޗެއް

މި އަހަރު ފާހަގަކުރާ ދިރާގުގެ 36 ވަނަ އަހަރީ ދުވަހާ ގުޅުވައިގެން އެ ކުންފުނީގެ ކަސްޓަމަރުންނަށް ލޯންޗެއް ލިބޭ ޕްރޮމޯޝަނެއް މިއަދު ފަށައިފި އެވެ.

ވީ ކިހިނެއް؟ - އަންނަ 15 ޑިސެމްބަރާ ހަމައަށް ކުރިއަށްގެންދާ 'ވިން އަ ސްޕީޑް ބޯޓު' ޕްރޮމޯޝަނުގައި ހުށަހަޅާފައިވާ އިނާމަކީ އަލްޝާލީ މެރިން މޯލްޑިވްސް އިން ރާއްޖޭގެ ކަނޑުތަކަށް ފައްކާކޮށް މިދިޔަ އަހަރު ބާޒާރަށް ނެރުނު 'މަޖެލާން 32' މަރުކާގެ 32 ފޫޓުގެ ލޯންޗެކެވެ.

އެނގުން މުހިއްމު - މި ޕްރޮމޯޝަނުގައި ބައިވެރިވުމަށް ދިރާގުން ޕްރޮމޯޝަނަށް ހާއްސަކޮށްފައިވާ ޕޯޓަލްގައި ރަޖިސްޓްރީ ކުރެވޭނެ އެވެ. 

ކަސްޓަމަރުންގެ ތެރެއިންް ޕްރޮމޯޝަނުގައި ބައިވެރިވުމަށް ޝަރުތު ހަމަނުވާ ނަމަ ދެން ހަދަންވީ ގޮތް ވެސް ޕޯޓަލް އިން ފެންނާނެ އެވެ.

ޕްރޮމޯޝަނުގައި ބައިވެރިވެވޭނީ:

ތަފްސީލް - ދިރާގުން ކުރިއަށްގެންދާ މި ބޮޑު ޕްރޮމޯޝަނާ އެކު ޕްރޮމޯޝަނުގެ މުއްދަތުގައި އިތުރު އިނާމުތައް ހޯދުމުގެ ފުރުސަތު ވެސް އޮންނާނެ އެވެ.

ބޮޑު އިނާމަށް ވާދަކުރާ ކަސްޓަމަރުންގެ ތެރެއިން ކޮންމެ މަހަކު ވެސް ގުރުއަތުން ހޮވޭ ކަސްޓަމަރުންނަށް ހުށަހަޅާފައިވާ އިނާމުތަކަކީ:

ދިރާގުން އަލްޝާލީ މެރިން މޯލްޑިވްސް އާއި އެލިއާއާ ގުޅިގެން ހުށަހަޅާ އިނާމަކީ ސްޕޯޓްސް ފިޝިން އާއި ލެޒާ ފެޝިން އަދި އާއިލާއާ އެކު ފިނޮޅުތަކަށް ދަތުރުދާން ވެސް ކަމުދާނެ ސައިޒެއްގެ ލޯންޗެކެވެ. އެ ލޯންޗުގައި:

މިއީ ފެނަށް ތިލަ، ކުދި ފިނޮޅުތަކަށް ވެސް ފަސޭހައިން ކައިރިކުރެވޭނެހެން ޑިޒައިންކޮށްފައިވާ ލޯންޗެކެވެ.

އަލްޝާލީ މެރިން މޯލްޑިވްސް އިން ބުނީ އިންޖީނާ އެކު ލޯންޗުގެ އަގު 1.6 މިލިއަން ރުފިޔާއަށް އަރާނެ ކަމަށެވެ.

ބުނީ ކީކޭ؟ - ދިރާގުގެ ޑިރެކްޓާ، ބްރޭންޑް އެންޑް މާކެޓިން މިރުޝާން ހަސަން ވިދާޅުވީ އެ ކުންފުނިން މަސައްކަތް ކުރަނީ ކަސްޓަމަރުންނަށް ކަމުދާނެ، އެންމެ ރަނގަޅު އަގުހުރި އިނާމުތައް ފޯރުކޮށްދިނުމަށް ކަމަށެވެ.

"މިއަހަރު އަޅުގަނޑުމެން މި ތައާރަފު ކުރީ މިދިޔަ އަހަރަށް ވުރެ ވެސް އަގުހުރި އިނާމެއް،" އޭނާ ވިދާޅުވި އެވެ.

މިދިޔަ އަހަރު ދިރާގުގެ އަހަރީއާ ދިމާކޮށް ނަސީބުވެރި ކަސްޓަމަރަށް ދީފައިވަނީ ޓެސްލާ އެކެވެ.

މި އަގުހުރި އިނާމު ހޯދުމަށް ޕްރޮމޯޝަނުގެ މުއްދަތުގައި ދިރާގު ނެޓްވޯކާ ގުޅުމަށް އެ ކުންފުނިން ދައުވަތުދެ އެވެ. މި އަގުހުރި އިނާމުގެ ގުރުއަތުލުން އޮންނާނީ އަންނަ ޖެނުއަރީ މަހު އެވެ.