ދިރާގު ދުވުމުގައި އޮފީސްތަކަށް ހާއްސަ ބައެއް؛ ބައިވެރިވާން ހުޅުވާލައިފި

ދިރާގު މޯލްޑިވްސް ރޯޑް ރޭހަށް (ޑީ.އެމްއާރްއާރް) އޮފީސް/ރިސޯޓް ޓީމު ކެޓަގަރީ އެއް ތައާރަފުކޮށް ރެޖިސްޓާވާން ހުޅުވާލައިފި އެވެ.

ވީ ކިހިނެއް؟ - 5ކޭ ޓީމް އިވެންޓު ކެޓަގަރީއެއްގެ ގޮތުގައި މިއަދު އެ ކެޓަރަގީ ތައާރަފުކޮށްފައި ވަނީ ދިރާގުން ބުނިގޮތުގައި ރިސޯޓުތަކާއި އޮފީސްތަކުގައި މަސައްކަތް ކުރާ މުވައްޒަފުންނަށް ޓީމެއްގެ ގޮތުގައި ބައިވެރިވެ، ވާދަވެރި މާހައުލެއްގައި އެކި މުއައްސަސާތައް ތަމްސީލު ކުރުމުގެ ފުރުސަތު ފަހިކޮށްދިނުމަށެވެ.

ތަފްސީލް - އަލަށް ތައާރަފްކުރި އޮފީސް/ރިސޯޓް ކެޓަގަރީއާ އެކު އެކި މުއައްސަސާތަކުގެ މުވައްޒަފުންނަށް 4 މީހުންގެ ޓީމެއްގެ ގޮތުގައި ބައިވެރިވެވޭނެ އެވެ. އެގޮތުން: 

ރަޖިސްޓްރީކުރުމަށް އަދި އިތުރު މައުލޫމާތު  

އޮފީސް/ރިސޯޓް ކެޓަގަރީގެ މޮޅުވާ ޓީމުތައް ހޮވާނީ ޓީމުގެ ހުރިހާ މެމްބަރުން ރޭސް ނިންމާ ޖުމްލަ ވަގުތައް ބަލާފައެވެ. ހުރިހާ މެމްބަރުންވެސް 5K ރޭހުގެ ކަޓް-އޮފް ވަގުތުކަމަށްވާ 45 މިނެޓުގެ ތެރޭގައި ރޭސް ނިންމަން ޖެހެ އެވެ.

މި ކެޓެގަރީގެ އިނާމުތަކަކީ:

ދިރާގުން ބުނީ ޓީމްތަކުގައި ހުސް ފިރިހެން، ހުސް އަންހެން ނުވަތަ އަންހެން-ފިރިހެން މިކްސް ކޮށްވެސް ބައިވެރިވެ ދުވެވޭނެއެވެ.

މި ކެޓެގަރީގައި ބައިވެރިވާ ދުވުންތެރިންނަށް އިތުރު އެހެން ކެޓަގަރީއެއްގައި ބައިވެރިއެއް ނުވެވޭނެ އެވެ.

ޑީއެމްއާރްއާރް އަކީ ވޯލްޑް އެތުލެޓިކްސް ސަޓިފައިޑް ރޭސް ރޫޓަކާއެކު އެސޯސިއޭޝަން އޮފް އިންޓަނޭޝަނަލް މެރަތަންސް އެންޑް ޑިސްޓަންސް ރޭސަސް (އެއިމްސް) ވޯލްޑް ރަނިން ކަލަންޑަރުގައި ލިސްޓުކޮށްފައިވާ ރާއްޖޭގެ ހަމައެކަނި ބައިނަލްއަގްވާމީ ދުވުމެވެ.

އެނގުން މުހިއްމު - އެހެން އަހަރުތަކެކޭ ވެސް އެއްފަދައިން، މި އަހަރުގެ ދިރާގު ރޯޑް ރޭހަކީ ވެސް އެ ކުންފުނީގެ އިޖުތިމާއީ ޒިންމާ ޕްރޮގްރާމްގެ މައިގަނޑު އެއް ދާއިރާ ކަމަށްވާ ކުޑަކުދިންގެ ރައްކާތެރިކަމަށް ހާއްސަ ދުވުމެކެވެ.

މި އިވެންޓްގައި ކުޑަކުދިންގެ ރައްކާތެރިކަމުގެ ދާއިރާގައި ހަރަކާތްތެރިވާ ޖަމްއިއްޔާތަކަށް އާންމުން ހޭލުންތެރިކުރުވުމަށާއި ފަންޑްރެއިޒް ކުރުމުގެ ފުރުސަތު ލިބޭނެ އެވެ.

ޑީއެމްއާރުއާރުގެ ރަޖިސްޓްރޭޝަނަށް މިހާރު ވަނީ ހުޅުވާލައިފަ އެވެ. 4،000 ބައިވެރިންގެ ލިމިޓް ހަމަވަންދެކަށް މި އިވެންޓްގައި ރެޖިސްޓާ ވެވޭނެ އެވެ.