ބީއެމްއެލްގެ ހިންގެވުން ހަވާލުކޮށްފައިވާ އައިޝަތު ނޫރައްދީން
އައިޝަތު ނޫރައްދީން ބީއެމްއެލްގެ ބޯޑުން ވަކިކޮށްފި
ގައުމީ ބޭންކް، ބީއެމްއެލްގެ ޑެޕިއުޓީ ސީއީއޯގެ މަގާމުގައި ހުންނެވި އައިޝަތު ނޫރައްދީން އެ ބޭންކުގެ ބޯޑު މެންބަރުންކަމުން މިއަދު ވަކިކޮށްފި އެވެ.
ވީ ކިހިނެއް؟ - ބީއެމްއެލްއަށް ހިދުމަތް ކުރައްވާތާ 42 އަހަރުވެފައިވާ އައިޝަތު ނޫރައްދީން ބޭންކުގެ ބޯޑުން ވަކިކުރިކަން އޭނާއަށް އަންގާފައިވަނީ ސަރުކާރުގެ ކުންފުނިތައް ބަލަހައްޓާ، ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)ން އޭނާއަށް މިއަދު ފޮނުވި ސިޓީއަކުންކަން 'ދައުރު'އަށް ވަނީ ކަށަވަރުވެފަ އެވެ.
އެނގުން މުހިންމު - ބީއެމްއެލްގެ ޗާޓަރު ބުނާ ގޮތުން އެ ބޭންކަކީ އާންމު ރައްޔިތުން ވެސް ހިއްސާވާ ކުންފުންޏަކަށް ވާތީ އެ ބޭންކުގެ ބޯޑް ޑިރެކްޓަރުން ވަކިކުރެވެނީ ހިއްސާދާރުންގެ އާންމު ޖަލްސާއަކުންނެވެ.
މިދިޔަ ޖެނުއަރީގައި ވެސް ޕީސީބީން ބީއެމްއެލްގެ ފަސް ޑިރެކްޓަރަކު މަގާމުން ވަކިކުރި އެވެ. އެހެން ނަމަވެސް އެގޮތަށް އަމަލު ކުރެވިދާނެ ކަމާ މެދު ގާނޫނީ ސުވާލުތައް ކުރިމަތިވެ ޕީސީބީން އޭރު އެންގި އެންގުން ބާތިލްކޮށް އެ ބޭފުުޅުން އަލުން ބޯޑަށް ހަމަޖެއްސި އެވެ. އެ ބޭފުޅުން ފަހުން ވަކިކުރީ ހިއްސާދާރުންގެ އާންމު ޖަލްސާއަކުންނެވެ.
ފާހަގަކޮށްލެވޭ - ބީއެމްއެލްއަށް ޑޮލަރު ލިބޭވަރު މަދުވެ އެ ބޭންކުގެ ކާޑުތަކުން ބޭރުގައި ވިޔަފާރި ކުރަން ދީފައިވާ ލިމިޓްތައް ކުޑަކުރަން ބޭންކަށް ވަނީ މަޖުބޫރުވެފަ އެވެ.
ކޮމެންޓް (6)
އައްޑާ
ސިކުނޑި
އެރަހީމު
ހިމާރުލްގައުމު
ހުވަދޫ އަހައްމަދޭ
ޖޭމުގޭ އަހައްމާދީ