އެމްޓީސީސީގެ އަހަރީ އާންމު ޖަލްސާގައި އެ ކުންފުނީގެ ބޯޑު ޑިރެކްޓަރުން ބައިވެރިވަނީ (ދައުރު ފޮޓޯ/ އަބްދުﷲ އަނޫފް ޖުނައިދު)
އެމްޓީސީސީގެ ހިއްސާއަކަށް 3ރ. ބަހަން ފާސްކޮށްފި
އެމްޓީސީސީ އަށް މިދިޔަ އަހަރު ލިބުނު ފައިދާ އިން ހިއްސާދާރުންނަށް ހިއްސާގެ ފައިދަގެ ގޮތުގައި3ރ. ބަހަން މިރޭ ފާސްކޮށްފި އެވެ.
ވީ ކިހިނެއް؟ - މިގޮތަށް ފާސްކުރީ މިރޭ އުމަރު ޒާހިރު ބިލްޑިން ގައި ބޭއްވި އެ ކުންފުނީގެ އަހަރީ އާންމު ޖަލްސާގަ އެވެ.
ތަފްސީލު - އެމްޓީސީސީގެ 2023 ވަނަ އަހަރުގެ މާލީ ހިސާބުތަކަށް ބަލާއިރު:
-
ޖުމްލަ އާމްދަނީގެ ގޮތުގައި 3.2 ބިލިއަން ރުފިޔާ ލިބުނު؛ މިއީ 2022 ވަނަ އަހަރާ އަޅާބަލާއިރު %30 އިތުރު އަދަދެއް
-
ހިންގުމުގެ ފައިދާގެ ގޮތުގައި ލިބުނީ 278 މިލިއަން ރުފިޔާ، މިއީ ކުރީ އަހަރާ އަޅާބަލާއިރު %14 ދަށް އަދަދެއް
-
ޓެކުހަށް ކެނޑުމަށް ފަހު ސާފު ފައިދާގެ ގޮތުގައި ލިބިފައިވަނީ 97 މިލިއަން ރުފިޔާ، މިއީ ކުރީ އަހަރާ އަޅާ ބަލާއިރު %50 ދަށް އަދަދެއް
-
ސާފު ފައިދާ ދަށަށް ދިޔައީ އެމްޓީސީސީގެ އަހަރީ ރިޕޯޓުގައި ފާހަގަކޮށްފައިވާގޮތުން ޕްރޮވިޝަންސް އަދި ފައިނޭންސް ކޮސްޓު އެކްސްޕެންސް އިތުރުވުމުން
ގުޅުން ހުރި - މިރޭގެ ޖަލްސާގައި އެމްޓީސީސީގެ ބޯޑުގައި އާންމު ހިއްސާދާރުން ތަމްސީލު ކުރާނެ ޑިރެކްޓަރުން އައްޔަނު ކުރުން ވެސް އޮތެވެ. ކުރިއަށް އޮތް ދައުރަށް އެ ކުންފުނީގެ ބޯޑުގައި އާންމު ހިއްސާދާރުން ތަމްސީލުކުރާނީ:
-
ނަސްރަތު މުހައްމަދު
-
މުހައްމަދު އިމްރާން އަދުނާން
އަންނަ އަހަރު ކުންފުނި އޮޑިޓު ކުރާނެ ފަރާތެއްގެ ގޮތުގައި ޑިލޮއިޓް ކަނޑައެޅުމަށް ވެސް މިރޭ ފާސްކުރި އެވެ.