މީޑިއާނެޓުން ކުރިއަށްގެންދާ ޕީއެސް 5 ލިބޭ ޕްރޮމޯޝަން މި މަހުގެ ނިޔަލަށް ދަންމާލައިފި

މީޑިއާނެޓުން ކުރިއަށް ގެންދާ ޕީއެސް 5 ލިބޭ ޕްރޮމޯޝަނުގެ މުއްދަތު މި މަހުގެ ނިޔަލަށް އިތުރުކޮށްފި އެވެ.

ވީ ކިހިނެއް؟ - 'ލެވަލް އަޕް އެންޑް ވިން'ގެ ނަމުގައި މީޑިއާނެޓުން ފަށާފައިވާ ޕްރޮމޯޝަނުގައި ބައިވެރިވުމުގެ ފުރުސަތު މީޑިއާ ނެޓުގެ ހިދުމަތް ބޭނުންކުރާ ރެޒިޑެންޝަން ހުރިހާ ކަސްޓަމަރުންނަށް އޮންނާނެ އެވެ.

ތަފްސީލް - މީޑިއާނެޓު ކަސްޓަމަރުން މިހާރު ގެންގުޅޭ ނުވަތަ އެންމެ ފަހުން އެކްޓިވްކޮށް ގެންގުޅުނު ޕެކޭޖަށް ވުރެ ބޮޑު ކޮންމެ ޕެކޭޖެއް އެކްޓިވޭޓުކޮށްގެން ޕްރޮމޯޝަންގައި ބައިވެރިވެވޭނެ އެވެ.

އެ ކުންފުނިން ބުނީ ޕްރޮމޯޝަނުގައި ބައިވެރިވުމަށް މުއްދަތު އިތުރު ކުރީ ޕްރޮމޯޝަނަށް ލިބުނު ތަރުހީބުގެ ސަބަބުން ކަމަށެވެ.

 ޕްރޮމޯޝަނުގައި ނަސީބުވެރިއަކު ހޮވާ ޕީއެސް 5 ސްލިމްއެއް ދޭނެ އެވެ.

ގުޅުން ހުރި - ޕެކޭޖު ގަތުމަށް ބޭނުން ކަސްޓަމަރުންނަށް ފަސޭހަ ކަމާއެކު މީޑިއާނެޓުގެ 'ކުއިކް ޕޭ' ޕޯޓަލް މެދުވެރިކޮށް އޮންލައިންކޮށް ޕެކޭޖަށް ފައިސާ ދެއްކޭނެއެވެ.