ރާއްޖޭގެ ހޯކްސް އިން ޔޫރަޕްގައި އޮފީސް ހުޅުވައި ތެޔޮ ވިއްކަން ފަށައިފި

ރާއްޖޭގައި ފުޅާ ދާއިރާއެއްގައި ތެޔޮ ވިއްކުމުގެ ވިޔަފާރި ކުރާ ހޯކްސް އިން ޔޫރަޕުގެ ގައުމެއް ކަމަށްވާ މޮނާކޯގައި އޮފީސް ހުޅުވައި ތެޔޮ ވިއްކުމުގެ ވިޔަފާރި ފަށައިފި އެވެ.

ވީ ކިހިނެއް؟ - ޔޫރަޕްގައި ވިޔަފާރި ކުރުމަށް އުފެއްދި، ހޯކްސް މޮނާކޯ އެސްއޭއެމް ކުންފުނިން ބޭރުގެ މީޑިއާތަކާ ހިއްސާކުރި ނޫސް ބަޔާނެއްގައި ބުނެފައިވާ ގޮތުގައި މޮނާކޯގައި ހުޅުވި އޮފީހުން ކުރާނެ މައިގަނޑު ވިޔަފާރިއަކީ އެތަނަށް ބަނދަރުކުރާ މަތީ ފެންވަރުގެ ޔޮޓްތަކަށް ބޭނުންވާ އެެންމެ ކޮލިޓީ ރަނގަޅު ތެޔޮ ވިއްކުމެވެ. 

ތަފްސީލް - އެ ބަޔާނުގައި ބުނެފައިވާ ގޮތުގައި އެ ކުންުފުނިން ޔޫރަޕްގައި ހުޅުވި ފުރަތަމަ އޮފީހުގެ ވެރިއެއްގެ ގޮތުގައި ހަމަޖައްސާފައި ވަނީ މަތެއޯ މޯޝިއާނޯ އެވެ. އަދި މާކެޓިން އާއި ސޭލްސްގެ އިސްވެރިއަކަށް ހަމަޖައްސާފައި ވަނީ ފަބިއޯ ސްކަމުއްޒީ އެވެ. މި ބޭފުޅުންނަކީ ލަގްޒަރީ މާކެޓަށް ތެޔޮ ވިއްކުމުގެ ތަޖުރިބާ ހުރި ފަރާތްތަކެކެވެ.

އެނގުން މުހިންމު - ފްރާންސުގެ ކައިރީގައި އޮންނަ 38،600 މީހުންގެ އާބާދީއެއް ދިރިއުޅޭ މޮނާކޯއަކީ:

ފާހަގަކޮށްލެވޭ - ހޯކްސްގެ އޮފީސްތައް އޭޝިޔާ ސަރަހައްދުގެ ބައެއް ގައުމުތަކުގައި މިހާރު ވެސް ހުރެ އެވެ. ހޯކްސްއިން މި ފަހުން ވަނީ ހުޅުމާލޭ ދެވަނަ ފޭސްގައި ވެހިކަލް ދޮވުން ވެސް ހިމެނޭ ގޮތުން ޒަމާނީ، ސްމާޓް ޕެޓްރޯލް ޝެޑެއް ވެސް ހުޅުވައިފަ އެވެ.