އިންޑިއާ އިން ރާއްޖެ އަންނަ ފަތުރުވެރިންގެ އަދަދު %42 ދަށަށް ހިނގައްޖެ

މި އަހަރުގެ ފުރަތަމަ ހަތަރު މަހު އިންޑިއާ އިން ރާއްޖެއަށް ޒިޔާރަތްކުރި ފަތުރުވެރިންގެ ނިސްބަތް މިދިޔަ އަހަރުގެ އެ މުއްދަތާ އަޅާބަލާ އިރު %42.2 ދަށަށް ހިނގައްޖެ އެވެ.

ވީ ކިހިނެއް؟ - އިންޑިއާ އަކީ ފާއިތުވި ތިން އަހަރު ވެސް ރާއްޖެެ އަށް އެންމެ ގިނަ ފަތުރުވެރިން އައި ގައުމެވެ. ނަމަވެސް މި އަހަރުގެ ކުރީކޮޅު ދިވެހި ސަރުކާރުގެ ތިން އޮފިޝަލަކު އިންޑިއާގެ ބޮޑުވަޒީރު ނަރެންދުރަ މޯދީ އަށް ކުޑައިމީސްވާ ގޮތަށް ވާހަކަ ދެއްކެވުމާ ގުޅިގެން އެ ގައުމުގެ ފަތުރުވެރިން ރާއްޖެ ނައުމަށް ގޮވާލާ އިންޑިއާގައި ވަނީ ކެމްޕޭނެއް ފަށައިފަ އެވެ. 

އެއާ އެކު އެ ގައުމުން ރާއްޖެ އަންނަ ފަތުރުވެރިންގެ އަދަދު ވަނީ މަހުން މަހަށް ބަލާއިރު ދަށަށް ގޮސްފަ އެވެ.

ތަފްސީލް - ޓޫރިިޒަމް މިނިސްޓްރީ އިން އާންމުކޮށްފައިވާ ތަފާސްހިސާބުތަކަށް ބަލާއިރު މިދިޔަ އަހަރުގެ ޖެނުއަރީ އިން އެޕްރީލްގެ ނިޔަލަށް އިންޑިއާ އިން ރާއްޖެ އައި ފަތުރުވެރިންގެ އަދަދަކީ 73،785 އެވެ. މި އަހަރުގެ އޭޕްރީލްގެ ނިޔަލަށް އިންޑިއާ އިން އައިސްފައި ވަނީ 42،638 ފަތުރުވެރިންނެވެ.

މި އަހަރާއި މިދިޔަ އަހަރުގެ ޖެނުއަރީ އިން އޭޕްރީލުގެ ނިޔަލަށް އިންޑިއާ އިން ރާއްޖެ އައިސްފައިވާ ފަތުރުވެރިންގެ އަދަދަށް ބަލާއިރު

ޓޫރިޒަމް މިނިސްޓްރީގެ ހިސާބުތަކަށް ބަލާއިރު އިންޑިއާ އަކީ މިހާރު ހަ ވަނައަށް ރާއްޖެ އަށް އެންމެ ގިނަ ފަތުރުވެރިން އަންނަ ގައުމެވެ. އެންމެ ގިނައިން ފަތުރުވެރިން އަންނަ ގައުމުތަކަކީ:

މިނިސްޓްރީ އިން އާންމުކޮށްފައިވާ މައުލޫމާތަށް ބަލާއިރު އޭޕްރީލް މަހުގެ ނިޔަލަށް މި އަހަރު ތެރޭ ޖުމްލަ 772،651 ފަތުރުވެރިން ރާއްޖެ އައިސްފައިވެ އެވެ. މި މަހުގެ 5 ވަނަ ދުވަހާ ހަމައަށް ޖުމްލަ 798،610 ފަތުރުވެރިން ވަނީ ރާއްޖެ އައިސްފަ އެވެ.