އޮބްލޫ ސެލެކްޓް ލޯބިގިލި
ޓްރިޕްއެޑްވައިޒާގެ މުހިންމު އެވޯޑްތަކެއް ލޯބިގިލި ރިސޯޓަށް
އޮންލައިން ޓްރެވަލް ގައިޑެންސް ޕްލެޓްފޯމް، ޓްރިޕްއެޑްވައިޒާ ބޭނުންކުރާ ފަތުރުވެރިންގެ މެދުގައި އެންމެ މަގުބޫލު ހޮޓެލްތަކަށް ދޭ އެވޯޑު، ޓްރިޕް އެޑްވައިޒާ ޓްރެވާސް ޗޮއިސް އެވޯޑުގެ މުހިއްމު 4 އެވޯޑެއް އޮބްލޫ ސެލެކްޓް ލޯބިގިލި އަށް ލިބިއްޖެ އެވެ.
ވީ ކިހިނެއް؟ - ޓްރިޕްއެޑްވައިޒާ ގައި ލިސްޓުކޮށްފައިވާ ޓޫރިސްޓު ހިދުމަތްދޭ ތަންތަނަށް ފަތުރުވެރިން ދޭ ރޭޓިން އަށް ބަލައި ދޭ ޓްރެވެލާސް ޗޮއިސް އެވޯޑްސް 2024 ގައި ވޯލްޑް ކެޓަގަރީ އިން ލަގްޒަރީ ހޮޓެލްގެ އެއްވަނަ ލިބިފަ އިވަނީ އޮބްލޫ ސެލެކްޓް ލޯބިގިލި އަށެވެ.
ތަފްސީލް - މީގެ އިތުރުން ފަތުރުވެރިންގެ މެދުގައި އެންމެ މަގުބޫލު ލަގްޒަރީ ހޮޓެލް އޭޝިއާ ގެޓަގަރީގެ އެއްވަނަ ވެސް ލިބުނީ ލޯބިގިލި އަށެވެ. އެގޮތުން:
-
އޭޝިއާ ސަރަހައްދުގެ ޓޮޕް ހޮޓެލް ކެޓަގަރީގެ އެއްވަނަ ވެސް އެ ރިސޯޓަށް ލިބިފައިވޭ
-
ލޯބިގިލި ދެން ހިމެނުނީ އެ ކެޓަގަރީގެ ވޯލްޑް ޓޮޕްގެ ދެވަނަައިގައި
އޭޝިއާ ސަރަހައްދުގެ ޓޮޕް ހޮޓެލް ކެޓަގަރީގެ 4 ވަނާގައި އަދި ވޯލްޑް ޓޮޕްގެ 6 ވަނާގައި ރާއްޖޭގެ އެމެރަލްޑް މޯލްޑިވްސް ރިސޯޓް އެންޑް ސްޕާ ވަނީ ހިމެނިފަ އެވެ.
މީގެ އިތުރުން ފަތުރުވެރިންގެ މެދުގައި އެންމެ މަގުބޫލު ލަގްޒަރީ ހޮޓެލް ވޯލްޑް ކެޓަގަރީގެ 3 ވަނަ އަދި އޭޝިއާ ސަރަހައްދުގެ2 ވަނާގައި ވެސް އެމަރަލްޑް މޯލްޑިވްސް ވަނީ ހިމެނިފަ އެވެ.
ކޮމެންޓް