މެލޭޝިއާ އެއާލައިންސުން އޮގަސްޓުގައި ރާއްޖެއަށް ދަތުރުތައް ފަށަނީ

މެލޭޝިއާގެ ގައުމީ އެއާލައިން މެލޭޭޝިއާ އެއާލައިންސް އިން ރާއްޖެއަށް އޮގަސްޓު މަހުން ފެށިގެން ސީދާ ދަތުރުތައް ކުރުމަށް ނިންމައި މިއަދުން ފެށިގެން ޓިކެޓް ވިއްކަން ފަށައިފި އެވެ.

ވީ ކިހިނެއް؟ - އެ ގައުމުގެ ނޫސްތަކުން މިއަދު ރިޕޯޓްކޮށްފައިވާ ގޮތުގައި އެ އެއާލައިނުން ވަނީ މެލޭޝިއާގެ ވެރިރަށް ކުއަލަ ލަމްޕޫރުން، ރާއްޖޭގެ ވެލާނާ އިންޓަނޭޝަނަލް އެއާޕޯޓު ހިމެނޭ ގޮތަށް، ތިން މަންޒިލަކަށް ދަތުރުކުރުމަށް މިއަދު ނިންމާފަ އެވެ. ރާއްޖޭގެ އިތުރުން ދެން ހިމެނެނީ:

ތަފްސީލު - އޮގަސްޓު 1 އިން ފެށިގެން މެލޭޝިއާ އާއި ރާއްޖެއާ ދެމެދު ދަތުރުކުރުމަށް މެލޭޝިއާ އެއާލާއިންސްގެ ވެބްސައިޓުގައި މިހާރު ހުޅުވާލާފައިވާއިރު، ކޮންމެ ދުވަހަކު ފްލައިޓެއް ބޭއްވުމަށް ވަނީ ތާވަލްކޮށްފަ އެވެ.

ފަސްމަންޒަރު - މެލޭޝިއާ އެއާލައިންސް އިން ރާއްޖެއަށް އަލުން ދަތުރުތައް މި ފަށަނީ ގިނަ ދުވަސްތަކެއްގެ މެދުކެނޑުމަކަށް ފަހު އެވެ. މީގެ ކުރިން އެ އެއާލައިނުން ރާއްޖެއަށް ދަތުރު ކުރި އިރު ދެކޮޅު ޓިކެޓެއްގެ އަގަކީ ގާތްގަނޑަކަށް 450-500 ޑޮލަރެވެ.

އެ ކުންފުނީގެ ބޯޓު އެމްއެޗް 370، 2014ގައި ވީނުވީއެއް ނޭނގި ގެއްލުމާއި 2020ގައި ކުރިމަތިވި ކޮވިޑްގެ ސަބަބުން މާލީ މައްސަލަތަކެއް ކުރިމަތިވި އެވެ. އޭގެ ފަހުން މިހާރު އެ އެއާލައިނުން އަންނަނީ އޮޕަރޭޝަން ފުޅާ ކުރުމަށް މަސައްކަތް ކުރަމުންނެވެ.