މާލޭގެ ލޯކަލް މާރުކޭޓާއި ވިއްކަން ހުރި ލުނބޯ. (ދައުރު ފޮޓޯ)
އެސްޓީއޯއިން ރޯދައަށް އަގުހެޔޮކޮށް ލުނބޯ ވިއްކަން ފަށައިފި
ރޯދަމަހަށް ބާޒާރުގައި ލުނބޯގެ އަގު ކޮންޓްރޯލް ކުރުމަށްޓަކައި އެސްޓީއޯއިން ލުނބޯ އެތެރެކޮށް، އަގުހެޔޮކޮށް ވިއްކަން ފަށައިފި އެވެ.
ވީ ކިހިނެއް؟ - ބާޒާރުގައި މިހާރު ލުނބޯ ކިލޯއެއް ވިއްކަނީ 65 - 75ރ.އާ ދެމެދުގެ އަގުތަކުގަ އެވެ. މިދިޔަ މަހު ވެސް ލުނބޯގެ އަގު ހުރީ އެކަހަލަ ގޮތަކަށެވެ.
ތަފްސީލު - އެސްޓީއޯއިން މިއަދު ބުނީ ލުނބޯގެ އަގު ކޮންޓްރޯލް ކުރުމަށްޓަކައި އެ ކުންފުނިން ލުނބޯ އެތެރެކޮށް މިހާރު ވިއްކަން ފަށާފައިވާ ކަމަށެވެ.
އެ ކުންފުނިން ލުނބޯ ވިއްކާ އަގުތަކަކީ:
-
ރީޓެއިލް އަގު - 50ރ.އަށް ކިލޯއެއް
-
ހޯލްސޭލް އަގު - 25 ކިލޯގެ ކޮތަޅެއް 1،175ރ.އަށް
އެސްޓީއޯއިން ލުނބޯ ވިއްކާނީ:
-
އެސްޓީއޯ ޕީޕަލްސް ޗޮއިސް (ރީޓެއިލްކޮށް)
-
އެސްޓީއޯ ހޯލްސޭލް ސެންޓަރު
-
އެސްޓީއޯ އިންޑަސްޓްރިއަލް ވިލެޖް