ވޯލްޑް ބޭންކުން ރާއްޖެއަށް ގޮވާލީ މާލީ އިސްލާހީ ފިޔަވަޅުތައް އަވަސް ކުރަން

ދައުލަތުގެ ހަރަދު ކުޑަކުރުމުގެ ފިޔަވަޅުތައް ވީހާ ވެސް އަވަސްކޮށް މާލީ އިސްލާހީ ފިޔަވަޅުތަކަށް ވޯލްޑް ބޭންކުން ރާއްޖެއަށް ގޮވާލައިފި އެވެ. 

ވީ ކިހިނެއް؟ - ވޯލްޑް ބޭންކުގެ ސައުތް އޭޝިއާގެ ވައިސް ޕްރެޒިޑެންޑް މާޓިން ރެއިސާ ރާއްޖެއަށް ކުރެއްވި 4 ދުވަހުގެ ދަތުރު އިއްޔެ ވަނީ ނިއްމާލައްވައިފަ އެވެ. އެ ދަތުރާ ގުޅޭ ނޫސް ބަޔާނެއް ވޯލްޑް ބޭންކުން ވަނީ މިއަދު ނެރެފަ އެވެ. ރެއިސާގެ ދަތުރުގައި ބައްދަލު ކުރައްވާފައި ވަނީ: 

ތަފްސީލް - ވޯލްޑް ބޭންކުގެ ބަޔާނުގައި ބުނީ މާޓީންގެ ބައްދަލުވުންތަކުގައި ފާޅުކުރެއްވި ކަންބޮޑުވުންތަކަކީ ދައުލަތުގެ ހަރަދު ބޮޑުވުމާއި ބޭރު ފައިސާގެ ރިޒާވްގެ މަދުވުމާއި ދަރަނި ބޮޑުވުން އަދި ދުނިޔޭގެ މާލީ ވުޒާރާތަކުގެ އިންޓަރެސްޓް ރޭޓް މަތިވުމާގުޅިގެން ކުރިމަތިވެދާނޭ ނުރައްކާތަކެވެ.

"މި ކަންކަމަށް ރިއާޔަތްކޮށް އަވަހަށް ފިސްކަލް ރިފޯމްތައް ގެނައުމުގެ މުހިންމުކަން ވެސް އެބޭފުޅާ ފާހަނގަކުރެއްވި އެވެ،" ރެއިސާ ވިދާޅުވި ކަމަށް ބަޔާނުގައި ފާހަގަކުރި އެވެ. 

އެކި ދާއިރާތަކުން ރާއްޖެއިން ކުރިއެރުން ހޯދާފައިވާކަން ފާހަގަކުރައްވައި ރެއިސާ ވިދާޅުވެފައި ވަނީ ސިއްހީ ފަރުވާ، ތައުލީމު، ބޯހިޔާވަހިކަން އަދި އެހެނިހެން އާއްމު ހިދުމަތްތައް ދިނުމުގެ ދާއިރާއިން ރާއްޖެއިން ކުރިއެރުން ހޯދާފައިވާ ކަމަށެވެ. ނަމަވެސް:

"ގައުމުގެ ކުރިއެރުމަށް އެންމެ މުހިންމު ދާއިރާތައް ކަމުގައިވާ ރައްޔިތުންގެ ކުރިއެރުމާއި، ގުދުރަތީ ނިޒާމާއި އުމްރާނީ ތަރައްގީ ދެމެހެއްޓެނިވިގޮތެއްގައި ލިބިގަނެވޭނީ އޭރުން،" ރެއިސާ ވިދާޅުވި އެވެ. 

ވޯލްޑް ބޭންކާއި ސަރުކާރުން ގުޅިގެން އިއްޔެ ނެރެނު ރާއްޖޭގެ ފުރަތަމަ ހިއުމަން ކެޕިޓަލް ރިވިއު ރިޕޯޓު، "ހިއުމަން ކެޕިޓަލް ރިވިއު ފޯ ދަ މޯލްޑިވްސް" ރިޕޯޓުގައި ފާހަގަ ކުރި ގޮތުގައި ދައުލަތުގެ ހަރަދު ކުޑަކުރަން ޖެހިފައިވާ އިރު އުފެދިފައި ހުރި ފަރަގުތައް ހަނިކުރުމަކީ ހަރަދު އިތުރުކޮށްގެން ހައްލުކުރެވޭނެ ކަންކަމެއް ނޫނެވެ.

އެ ރިޕޯޓާ ހަވާލާދީ ރެއިސާ ފާހަގަ ކުރެއްވި ގޮތުގައި:

ވޯލްޑް ބޭންކުގެ ރިޕޯޓުގައި ފާހަގަކުރި ގޮތުގައި ރާއްޖޭގެ އިންސާނީ ވަސީލަތް ހުރީ މި ސަރަހައްދުގެ އެހެން ކުދި ޖަޒީރާ ގައުމުތަކާއި، އާމްދަނީގެ ގޮތުން ވާދަކުރާ ކުދި ގައުމުތަކަށް ވުރެ މަތީގަ އެވެ. ނަމަވެސް ސަރަހައްދީ އަދި މިންތީގެ ނަހަމަކަން އަދިވެސް ރާއްޖޭގައި ބޮޑެވެ. 

މީގެ އިތުރަށް ރެއިސާ ވަނީ ރާއްޖޭގެ އުމްރާނީ ތަރައްގީ އަށާއި ތިމާވެއްޓަށް ކުރިމަތިވަމުން އަންނަ ނެތިދިޔުމުގެ ނުރައްކާތަކަށް ސަމާލުކަން ދިނުމަށް ވެސް ގޮވާލައްވައިފަ އެވެ. މިގޮތުން އިގްތިސާދީ ލޮޅުންތަކާއި މޫސުމީ ގޮތުން ކުރިމަތިވާ ކަންކަން ވަނީ ގުޅިލާމެހިފައި ކަމަށް ރެއިސާ ވިދާޅުވި އެވެ. އޭނާ ވިދާޅުވީ:

ގުޅުންހުރި - މިދަތުރުގައި، ވޯލްޑް ބޭންކާއި ރާއްޖެއާ ދެމެދު އުފެދިފައިވާ 45 އަހަރުގެ ގުޅުމާއި، ތަރައްގީގެ އެޖެންޑާ އަށް ވޯލްޑް ބޭންކުން ދެއްވަވަމުން ގެންދަވާ އެހީ އާއި އެއްބާރުލުން މެދުކެނޑުމެއްނެތި ރާއްޖެއަށް ދޭނެ ކަމުގެ ޔަގީންކަން ރެއިސާ ވަނީ ދެއްވައިފަ އެވެ.

ފާހަގަކޮށްލެވޭ - ވޯލްޑް ބޭންކުގެ އެހީގައި މިވަގުތު ރާއްޖޭގައި 10 މަޝްރޫއެއް ހިންގަ އެވެ. މި ޕްރޮޖެކްޓުތަކުގެ ޖުމުލަ އަގަކީ 217 މިލިޔަން ޑޮލަރެވެ.