މިއަހަރުގެ ފުރަތަމަ ފަތުރުވެރިޔަކީ އިނގިރޭސި ރައްޔިތެއް

މި އަހަރު ރާއްޖެ ޒިޔާރަތްކުރި ފުރަތަމަ ފަތުރުވެރިޔާ، އިނގިރޭސި ރައްޔިތަށް ހޫނު މަރުހަބާއެއް ކިޔައިފި އެވެ.

ވީ ކިހިނެއް؟ - ކޮންމެ އަހަރަކު ވެސް އާ އަހަރުގެ ފުރަތަމަ ދުވަހު ރާއްޖެ އަންނަ ފަތުރުވެރިންގެ ތެރެއިން އިމިގްރޭޝަން ކްލިއާ ކުރާ ފުރަތަމަ ފަތުރުވެރިޔާ އަކީ އެ އަހަރު ރާއްޖެ ޒިޔާރަތްކުރި ފުރަތަމަ ފަތުރުވެރިޔާ ކަަމަށް ބަލައި، އޭނާ އަށް ހޫނު މަރުހަބާ އެއް ކިޔަ އެވެ.

ތަފްސީލް - އެގޮތުން މި އަހަރު ރާއްޖެ އައި ފުރަތަމަ ފަތުރުވެރިއަކީ އިނގިރޭސިވިލާތަށް ނިސްބަތްވާ ބެންޖަމިން ޑަންކަން މޫރް އެވެ.

އޭނާ އަށް ވެލާނާ އިންޓަނޭޝަނަލް އެއާޕޯޓުން މަރުހަބާ ކީ ފަތުރުވެރިކަމާ ބެހޭ ވަޒީރު އިބްރާހިމް ފައިސަލް އާއި އެމްއެމްޕީއާރުސީގެ ވެރިން އަދި އިމިގްރޭޝަނާއި އެމްއޭސީއެލްގެ ވެރިންނެވެ.

ފާހަގަ ކުރެވޭ ކަމެއް - މިދިޔަ އަހަރު ރާއްޖެ އަށް 1.8 މިލިއަން ފަތުރުވެރިން އައިސްފައިވާއިރު މި ފެށުނު 2024 ވަނަ އަހަރު ދެ މިލިއަން ފަތުރުވެރިންގެ އަމާޒު ހާސިލު ކުރެވޭނެ ކަމުގެ އުއްމީދު އެބައޮތް ކަމަށް މިނިސްޓަރު ފައިސަލް ވަނީ ވިދާޅުވެފަ އެވެ.