![](https://cdn.dhauru.com/s3/media/2021/09/01/050737-people%20leaving%20male%2005687.jpg?fit=crop-50-50&w=1400&h=800)
ވެލާނާ އިންޓަނޭޝަނަލް އެއާޕޯޓުގެ ޑޮމެސްޓިކް ޓާމިނަލް ބޭރުގައި ބަޔަކު މަޑުކޮށްގެން
ޑޮމެސްޓިކް ދަތުރުތަކުގެ ޗެކް-އިން އަށް ބުރޫ އަރައިފި
ވެލާނާ އިންޓަނޭޝަނަލް އެއާޕޯޓު (ވީއައިއޭ) އިން ކުރާ އެތެރޭގެ އުދުހުންތަކުގެ ދަތުރުތަކުގެ ޗެކް-އިން އަށް ބުރޫ އަރައިފި އެވެ.
ވީ ކިހިނެއް؟- އެއާޕޯޓު ހިންގާ އެމެމްއޭސީއެލް އިން މިއަދު ބުނީ ދިމާވި ޓެކްނިކަލް މައްސަލައަކާ ހުރެ އެތެރޭގެ އުދުހުންތަކުގެ ޗެކް އިން ކުރުމުގައި ދަތިތަކެއް ދިމާވެފައިވާ ކަމަށެވެ.
ތަފްސީލް - އެ ކުންފުނިން 'އެކްސް'ގައި ބުނީ، ޓެކްނިކަލް މައްސަލައެއްގެ ސަބަބުން ޗެކް-އިން ކުރުމުގައި ލަސްތައް ދިމާވަމުންދާ ކަމަށާއި ފަސިންޖަރުންގެ ކިބައިން މައާފަށް އެދޭ ކަމަށެވެ.
މައްސަލަ ހައްލު ކުރުމަށް އެ ކުންފުނީގެ ޓެކްނިކަލް މުވައްޒަފުން މަސައްކަތް ކުރަމުން އަންނަ ކަމަށް ވެސް އެމްއޭސީއެލް އިން ބުންޏެވެ.
ފާހަގަ ކުރެވޭ - މި ދުވަސްވަރަކީ ސްކޫލު ބަންދަށް ވުމާ އެކު ގިނަ އަދަދެއްގެ ދިވެހިން ދަނީ އަތޮޅު ތެރެއަށް ދަތުރު ކުރަމުންނެވެ. ހަމައެއާ އެކު އާ އަހަރުގެ ޗުއްޓީ އަށް ރާއްޖެ އަންނަ ފަތުރުވެރިން ވެސް އެތެރޭގެ އުދުހުންތަކުގެ ހިދުމަތް ހޯދަ އެވެ.