އެމްޕީއެލްގައި ބަހައްޓާފައި ހުރި ކޮންޓެއިނަރްތައް (ދައުރު ފޮޓޯ/އަބްދުﷲ އިޔާން)
ރީޖަނަލް ޕޯޓުތަކަށް ފޮނުވާ ކޮންޓެއިނާތަކުން ނަގާ ފީ ކުޑަކޮށްފި
މާލޭ ކޮމާޝަލް ހާބަރު އަދި ހުޅުމާލޭ އިންޓަނޭޝަނަލް ޓާމިނަލުން ރީޖަނަލް ޕޯޓުތަކަށް ފޮނުވާ ކޮންޓެއިނަރުތަކުން ނަގާ ފީ ކުޑަކޮށްފި އެވެ.
ވީ ކިހިނެއް؟ - މޯލްޑިވްސް ޕޯޓްސް ލިމިޓެޑް (އެމްޕީއެލް) އިން މިއަދު އާންމުކޮށްފައިވާ އިއުލާނެއްގައި ބުނީ އެ ބަދަލަށް މިދިޔަ ހުކުރު ދުވަހުން ފެށިގެން އަމަލު ކުރަން ފަށާފައިވާ ކަމަށެވެ.
ތަފްސީލް- މިއާ އެކު މާލޭ ކޮމާޝަލް ހާބަރާއި ހުޅުމާލެ އިންޓަނޭޝަނަލް ޓާމިނަލުން ރީޖަނަލް ޕޯޓުތަކަށް ފޮނުވާ ކޮންޓެއިނަރުތަކުގެ ހޭންޑްލިން، ވޯފޭޖް ޗާޖު އަދި އެމްޕްޓީ އާއި ހުސްކުރުން، ސްޓީވަޑޯރިން އަދި ހޭންޑްލިން ޗާޖަށް %25ގެ ލުޔެއް ދޭން ވަނީ ނިންމައިފަ އެވެ.
ޑޮމެސްޓިކް ޓްރާންޝިޕްމަންޓަށް ނަގާ ފީތައް ކުޑަކުރުމުން ރާއްޖެ އަށް މުދާ އެތެރެކޮށް ޕޯޓުތަކުން ކްލިއާ ކުރުމަށް ކުރާ ހޭދަ ކުޑަވާނެ އެވެ. މިއާ އެކު އުތުރާއި ދެކުނުގެ ޕޯޓުތަކަށް ފޮނުވާ މުދަލުގެ އަގަށް ހެޔޮ ބަދަލެއް އަންނާނެ އެވެ.