މޯލްޑިވްސް މަނިޓަރީ އޮތޯރިޓީ. (ދައުރު ފޮޓޯ)
ޒަމާނީ ޕޭމަންޓް ސިސްޓަމް އޮގަސްޓުގައި ބޭނުންކުރަން ނިންމައި ޓެސްޓުކުރަން ފަށައިފި
ރާއްޖޭގައި ފަސޭހަ، އަވަސް އަދި ރައްކާތެރި ޕޭމަންޓް ހިދުމަތެއް ފޯރުކޮށްދިނުމަށް މަގުފަހިކޮށްދިނުމުގެ ގޮތުން މަރުކަޒީ ބޭންކު، އެމްއެމްއޭއިން ގާއިމުކުރާ އިންސްޓެންޓް ޕޭމަންޓް ސިސްޓަމް (އައިޕީއެސް) ލޯންޗް ކުރާނޭ އެކި ތާރީހުތައް ދިނުމަށް ފަހު އެންމެ ފަހުން އޮގަސްޓް މަސް ތެރޭ އެ ނިޒާމް ބޭނުން ކުރަން ފަށަން ނިންމައި ބޭންކުތަކާ އެކު ޓެސްޓްކުރުމުގެ މަރުހަލާ ފަށައިފި އެވެ.
ވީ ކިހިނެއް؟ - އެމްއެމްއޭއިން މިއަދު ބުނީ، އައިޕީއެސް ޓެސްޓް ކުރުމުގެ މަރުހަލާ މިދިޔަ އާދީއްތަ ދުވަހު ފަށާފައިވާ ކަމަށެވެ. އެ މަރުހަލާ ކުރިއަށްގެންދަނީ، އެމްއެމްއޭއިން ބުނި ގޮތުގައި:
-
ބޭންކް އޮފް މޯލްޑިވްސް (ބީއެމްއެލް)
-
މޯލްޑިވްސް އިސްލާމިކް ބޭންކް (އެމްއައިބީ)
-
އަދި ސްޓޭޓް ބޭންކް އޮފް އިންޑިއާ (އެސްބީއައި)
ތަފްސީލު - އެ ތިން ބޭންކަކީ އައިޕީއެސްގެ ޕައިލަޓް ރަންގައި ބައިވެރިވުމަށް 10 ޖުލައިގައި އެމްއެމްއޭއާއެކު އެއްބަސްވުން ހަދާފައިވާ ތިން ބޭންކެވެ.
އެ ދުވަހު އެމްއެމްއޭގެ ގަވަރުނަރު އަލީ ހާޝިމް ވިދާޅުވީ އިތުރު ބޭންކްތައް ވެސް މި ޓެސްޓު ހަދަން ތައްޔާރުވަމުން އަންނަ ކަމަށާއި ފުރަތަމަ ފިޔަވަހީގައި ކުރިއަށްދާނީ މިއަދު ސޮއިކުރި ތިން ބޭންކާ އެކު ކަމަށެވެ.
"އެހެން ބޭންކްތައް އައިޕީއެސްގެ ތެރެއަށް ވަންނާނެ، ސިސްޓަމް މުޅިން ލޯންޗު ކުރީމާ. ސިސްޓަމް ލައިވް ކުރާނެ ތާރީހަކަށް މިހާރު ކަނޑައަޅާފައިވަނީ އޮގަސްޓް މަހުގެ ފަހު ހަފްތާއަށް،" އޭނާ ވިދާޅުވި އެވެ.
-
އިތުރަށް ކިޔާލަން - ވަގުތުން ޕޭމަންޓް ހެދޭ ނިޒާމު ބޭނުންކުރަން އަންނަ މަހު ފަށަނީ
އެނގުން މުހިންމު - އައިޕީއެސް ބޭނުންކުރަން ފަށަން އެމްއެމްއޭއިން މީގެ ކުރިން ދިން ތާރީހަކީ ސެޕްޓެމްބަރު 2022 އެވެ. އެ ތާރީހު ފަހަނައަޅައި ދިޔަ ފަހުން އެ ސިސްޓަމް ތައާރަފްކުރާނެ ވަކި ތާރީހެއް އެމްއެމްއޭއިން ނުބުނެ އެވެ.
އިންސްޓަންޓް ޕޭމަންޓް ސިސްޓަމް ފަރުމާކޮށްފައި ވަނީ ޒަމާނީ ޓެކްނޮލޮޖީގެ އެހީގައި ފަސޭހަކަމާއި ރައްކާތެރިކަމާ އެކު މާލީ މުއާމަލާތްތައް ވަގުތުން ކުރެވޭނޭ ގޮތަށެވެ.
ކޮމެންޓް (2)
MMA
މޮހުނު