ކޮވިޑްގެ ކުރިން ޗައިނާގެ ޓޫރިސްޓުންތަކެއް ރާއްޖޭގެ ރިސޯޓެއްގައި (ފޮޓޯ/ސައުތު ޗައިނާ މޯނިން ޕޯސްޓް)
ގްރީން ފަންޑަށް 200 މިލިއަން އިތުރުވެ، ބިލިއަނަކަށް އަރަނީ
މި އަހަރުގެ ފަސް މަސްދުވަސް ފާއިތުވީއިރު، ގްރީން ފަންޑަށް 214.7 މިލިއަން ރުފިޔާ އިތުރުވެފައިވާ ކަމަށް ތަފާސްހިސާބުތަކުން ދައްކައިފި އެވެ.
ވީ ކިހިނެއް؟ - މިދިޔަ އަންގާރަ ދުވަހު ނެރުނު ގްރީން ފަންޑުގެ އެންމެ ފަހުގެ ރިޕޯޓުން ދައްކާ ގޮތުގައި، މިދިޔަ މަސް ނިމުނު އިރު ގްރީން ފަންޑުގައި ހުރީ 988.8 މިލިއަން ރުފިޔާ އެވެ. އެ ހިސާބުތައް ދައްކާ ގޮތުން:
-
ގްރީން ފަންޑަށް ޖަމާވެފައި ވަނީ 476.1 މިލިއަން ރުފިޔާ
-
ގްރީން ފަންޑުން މިހާތަނަށް ހަރަދުކޮށްފައި ވަނީ 261.4 މިލިއަން ރުފިޔާ
ތަފްސީލް - ގްރީން ޓެކުހުގެ ގޮތުގައި ޓޫރިސްޓުން އަތުން ނަގާ ފައިސާ ޖަމާކުރާ ގްރީން ފަންޑަށް މަހެއްގެ މައްޗަށް އެވްރެޖްކޮށް 100 މިލިއަން ރުފިޔާ ޖަމާކޮށްފައިވެ އެވެ. އެގޮތުން:
-
އެންމެ ގިނައިން ފައިސާ ޖަމާކޮށްފައި ވަނީ މާޗުގައި؛ 105.4 މިލިއަން ރުފިޔާ
-
މިދިޔަ މަހު ޖަމާވި އަަދަދު ވަނީ މަދުވެފައި؛ ޖަމާވީ 83.1 މިލިއަން ރުފިޔާ
-
އެހެންވީ އޮފް ސީޒަނާ އެކު ޓޫރިސްޓުން އަންނަ ވަރު މަދުވުމުން
އެނގުން މުހިންމު - ގްރީން ޓެކުހުގެ ގޮތުގައި މިހާރު ނަގަނީ:
-
ރިސޯޓް އަދި 50 ކޮޓަރިން މަތީގެ ގެސްޓްހައުސް އާއި ހޮޓަލުން ދުވާލަކު ބޮލަކަށް 6 ޑޮލަރު
-
50 ކޮޓަރިއަށް ވުރެ ދަށް ގެސްޓްހައުސް އަދި ހޮޓާތަކުން ދުވާލަކު ބޮލަކަށް 3 ޑޮލަރު
ތަފާސްހިސާބުތަކުން ދައްކާ ގޮތުން، މިދިޔަ މަހުގެ ތެރޭގައި ގްރީން ފަންޑުން ވަނީ 7.5 މިލިއަން ރުފިޔާ ހަރަދުކޮށްފަ އެވެ. ގްރީން ފަންޑުން 27 މަޝްރޫއަކަށް އަންނަނީ ހަރަދުކުރަމުންނެވެ.
-
އޭގެ ތެރެއިން ގިނަ މަޝްރޫއުތަކަކީ ނަރުދަމާ އާއި ސާފު ބޯފެނުގެ ނިޒާމް ރަށްރަށުގައި ގާއިމް ކުރުމުގެ މަޝްރޫއުތައް
-
ދެން ހަރަދު ކުރަނީ ރަށްރަށުގައި ކުނި މެނޭޖްކުރުމުގެ ނިޒާމް ގާއިމް ކުރުމަށް
-
ކާށީގެ ދަތިކަން ދިމާވުމާ ގުޅިގެން ރުއް އާލާކުރުމުގެ ޕްރޮގްރާމަށް 104،888ރ. ވެސް އެ ފަންޑުން ވަނީ ހަރަދުކޮށްފައި