އައިކެއާގެ '#ލަވްޔޯއައިޒް' ކެމްޕެއިން. (ދައުރު ފޮޓޯ/އިބްރާހިމް އަލީ)
އައިކެއާ އިން ލޮލުގެ ފެނުމުގެ ދުވަސް ފާހަގަކުރަން ކެމްޕޭނެއް ފަށައިފި
ދުނިޔޭގެ ލޮލުގެ ފެނުމުގެ ދުވަސް ފާހަގަކުރުމުގެ ގޮތުން އައިކެއާ އިން '#ލަވްޔޯއައިޒް'ގެ ނަމުގައި ހާއްސަ ކެމްޕޭނެއް މިއަދު ހަވީރު ފަށައިފި އެވެ.
ވީ ކިހިނެއް؟ - މި މަހުގެ 13ގައި ފާހަގަކުރި ދުނިޔޭގެ ލޮލުގެ ފެނުމުގެ ދުވަހަކީ ލޮލުގެ ސިއްހަތާ މެދު މީހުން ހޭލުންތެރިކުރުމަށް ބައިނަލްއަގްވާމީ ފެންވަރުގައި ކޮންމެ އަހަރަކު ފާހަގަކުރާ ދުވަހެކެވެ.
ތަފްސީލް - އައިކެއާގެ '#ލަވްޔޯއައިޒް' ހަރަކާތް ކުރިއަށްދަނީ އާޓިފިޝަލް ބީޗުގަ އެވެ. އެ ކެމްޕޭންގެ ދަށުން ތަފާތު ގިނަ ހަރަކާތްތަކެއް ކުރިއަށް ގެންދާނެ އެވެ.
އޭގެ ތެރޭގައި ހިމެނެނީ:
-
އާންމުންނަށް މައުލޫމާތު ދިނުން
-
ޑޮކްޓަރުންނާއި ސުވާލުކުރުމުގެ ފުރުސަތު ހުޅުވާލުން
-
ލޮލުގެ ސްކްރީނިންް ހަދައިދިނުން
-
އާންމު ސިއްހަތުގެ ސްކްރީނިން ހަދައިދިނުން
-
ލޮލުގެ ހާއްސަ ޑޮކްޓަރުންގެ ލަފާ ހޯދުމުގެ ފުރުސަތު ދިނުން
އެ ކެމްޕޭންގެ ހަރަކާތްތަކުގައި ބައިވެރިވާ ފަރާތްތަކަށް ހާއްސަ ލަކީޑްރޯއެއްގައި ބަރިވެރިވުމުގެ ފުރުސަތު ވެސް އޮންނާނެ އެވެ. މި ލަކީޑްރޯ އިން ހޮވޭ ތިން ފަރާތަކަށް ލިބޭ އިނާމުތަކަކީ:
-
އައިކެއާ ހޮސްޕިޓަލުން ހިލޭ ޑޮކްޓަރަށް ދެއްކުން
-
ގިފްޓް ވައުޗަރެއް
#ލަވްޔޯއައިޒް ކެމްޕޭންގެ ތެރެއިން ފޮޓޯ މުބާރާތެއް ވެސް ކުރިއަށްގެންދެ އެވެ. އެ މުބާރާތުގައި ބައިވެރިވުމަށް:
-
އައިކެއާގެ ސޯޝަލް މީޑީއާ އެކައުންޓްތައް ފޮލޯކުރަން ޖެހޭ
-
ކެމްޕެއިން ތެރެއިން ހިނގާ ހަރަކާތްތަކުގެ ފޮޓޯ ސޯޝަލް މީޑިއާގައި ހިއްސާކޮށް @އައިކެއާ.މޯލްޑިވްސް ޓެގް ކުރަން ވާނެ
-
ސޯޝަލް މީޑިއާގައި ހިއްސާކުރާ ފޮޓޯތަކުގައި ބޭނުން ނަމަ #ލަވްޔޯއައިޒް ހޭޝްޓެގް ވެސް ބޭނުންކުރެވިދާނެ
ލަކީޑްރޯ އާއި ފޮޓޯ މުބާރާތުގެ ނަސީބުވެރި ފަރާތް ހޮވުމަށް ހަމަޖެހިފައިވަނީ އަންނަ އާދިއްތަ ދުވަހު އެވެ.