ގަތަރު ވޯލްޑް ކަޕްގެ ފުރަތަމަ ބުރުގެ ފަހު މެޗުގައި ގާނާ އަތުން 2-0އިން މޮޅުވިޔަސް އުރުގުއޭ ކެޓުމުން ސުއަރޭޒް ރޮނީ
ސުއަރޭޒަށް ވެސް މިވަގުތު ހިތްހަމަޖެހުން ހޯދެން އޮތީ ރާއްޖެއިން
މިދިއަ ހުކުރުދުވަހުގެ ރޭ ގަތަރު ވޯލްޑް ކަޕްގައި ގާނާ އަތުން މޮޅުވިޔަސް އުރުގުއޭ މުބާރާތުން ކެޓި ކެޓުމުން ލުއިސް ސުއަރޭޒް ރޮމުން ދިޔަ މަންޒަރު މުޅި ދުނިޔެއަށް ފެނުނެވެ.
ކެރިއަރުގެ އެންމެ ފަހު ވޯލްޑް ކަޕުން އެގޮތަށް ކެޓުމަކީ ކުޅުންތެރިޔަކަށް ލިބޭނެ ވަރަށް ބޮޑު ހިތާމައެކެވެ. ގާނާ ކޮޅަށް ފަހު ވަގުތު ފޮނުވާލި ބޯޅަތަކުން އެންމެ ބޯޅައެއް ގޯލަށް ވަނަސް، މިރޭ ބްރެޒިލްއާ ދެކޮޅަށް ސުއަރޭޒް ހުންނާނީ ދަނޑު މަތީގަ އެވެ.
ނަމަވެސް އުމުރުން 35 އަހަރުގެ ކުޅުންތެރިޔާގެ ނަސީބުގައި އެ ސަފުހާއެއް މިފަހަރު ލިއެފައެއް ނެތެވެ. އެހެންކަމުން އެ ހިތާމަ ފިލުވާލަން އޭނާ ބޭނުންވީ ރަނގަޅު ޗުއްޓީއެކެވެ. އެކަމަށް އެންމެ ފުރިހަމަ ތަނަކަށް ފެނުނީ ރާއްޖެ އެވެ.
އާއިލާއާ އެކު ސުއަރޭޒް އިއްޔެ ރާއްޖެ އައިސް މިހާރު ޗުއްޓީ ހޭދަކުރަމުން ގެންދަނީ،'ދައުރު'އަށް އެނގިފައިވާ ގޮތުގައި، ރާއްޖޭގެ އެންމެ ބޮޑު އެއް ރިސޯޓް ސިޔާމް ވޯލްޑްގަ އެވެ.
ސުއަރޭޒްގެ އިތުރުން ވޯލްޑް ކަޕް ނިމުނު އެހެން ބައެއް ޓީމުތަކުގެ ކުޅުންތެރިން ވެސް މިސްރާބު ޖަހާފައިވަނީ ރާއްޖެ އަށެވެ. އޭގެ ތެރޭގައި މުބާރާތުގެ އެންމެ ފުރަތަމަ ރަތް ކާޑު ލިބުނު ވޭލްސްގެ ކީޕަރު ވޭން ހެނެސޭ ހިމެނެ އެވެ. އޭނާ މިވަގުތު ހުރީ ރާއްޖޭގެ އެންމެ މަތީ ފެންވަރުގެ އެއް ރިސޯޓް ކަމަށްވާ ވެލްޑޮފް އެސްޓޯރިއާގަ އެވެ.
ކޮމެންޓް (1)
ބެންޓޯ ބޮކްސް