ހުޅުމާލޭގައި މާރާމާރީއެއް ހިންގި 'ލަޔާ' ކެފޭ ކައިރީގައި ފުލުހުން މިރޭ ހަރަކާތްތެރިވަނީ (ދައުރު ފޮޓޯ)
ހުޅުމާލޭގައި މިރޭ ގުރޫޕަކުން ހިންގި ދެ މާރާމާރީއެއްގައި ވަޅި ހަރައި ބަޔަކު ޒަހަމްކޮށްލައިފި އެވެ.
ވީ ކިހިނެއް؟ - މަންޒަރު ދުށް މީހަކު މިރޭ 'ދައުރު'އަށް ބުނީ ހުޅުމާލޭ ބީޗް ފްރޮންޓް، ވައިޓް ހާޕް ގެސްޓްހައުސްއާ ޖެހިގެން ހުންނަ 'ލަޔާ' ކެފޭއަށް މިރޭ 9:30 އެހާއިރު ގްރޫޕަކުން ވަދެ އެތަނުގައި ތިބި ބަޔަކަށް ވަޅިން ހަމަލާދިން ކަމަށެވެ. އަދި އޭގެ ފަހުން ބަދަލު ހިފުމުގެ ގޮތުން ހުޅުމާލޭގެ ދެވަނަ ފޭސްގައި ޒުވާނެއްގެ ގަޔަށް ވަޅި ހަރައި ޒަހަމްކޮށްލި ކަމަށް ވެސް އޭނާ ބުންޏެވެ.
ބުނީ ކީކޭ؟ - ފުލުހުން ބުނީ ހުޅުމާލޭގައި މިރޭ ހިންގި ދެ މާރާމާރީގައި ދެ މީހަކަށް އަނިޔާވެފައިވާ ކަމަށާއި ހޮސްޕިޓަލުގައި ފަރުވާދެމުން އަންނަ ކަމަށެވެ.
ހުޅުމާލޭގެ މާރާމާރީތައް:
-
ފުރަތަމަ މާރާމާރީ؛ ލަޔާ ކެފޭ ކައިރީގައި މިރޭ 9:17ގައި
-
ދެ ވަނަ މާރާމާރީ؛ ފޭސް-2ގެ ބްރިޖް ކައިރީ މިރޭ 9:32ގައި
އެ މާރާމާރީތަކުގެ ތަހުގީގު ފުލުހުން މިހާރު ވަނީ ފަށައިފަ އެވެ.