ހިލޭ ގޯތި ދިނުން ނިމުމަކަށް ގެންނަން ޖެހޭ: އަސްލަމް

ޒަމާނުއްސުރެ ރާއްޖޭގެ ރަށްރަށުން ހިލޭ ގޯތި ދިނުމުގެ ސިޔާސަތު ބަދަލުކުރަން ޖެހިފައިވާ ކަމަށް ޕްލޭނިން މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.

މައްސަލައިގެ ފެށުން - މާލޭގެ ރައްޔިތުންނަށް ގޯތި ދޫކުރުމަށް ހިންގާ ސުކީމްގެ ދަށުން ފްލެޓާއި ގޯއްޗަށް ކުރިމަތިލުމަށް ހުޅުވާލާފައި ވާއިރު، ގޯތިތައް ދޫކުރަނީ މާލެއަށް ނިސްބަތްވާ މީހުންނަށެވެ. މާލެ ސަރަހައްދުން ގޯތި ދޫކުރަނީ ހަމައެކަނި މާލެ މީހުންނަށް ކަމަށް ވާތީ އާއި އެ ގޯތިތައް ދޫކުރަނީ ހިލޭ ކަމަށް ވާތީ، ބައެއް މީހުން ދަނީ އެކަމާ ދެކޮޅަށް އަޑު އުފުލަމުންނެވެ.

ބުނީ ކީކޭ؟ - މާލޭ މީހުންނާއި އަތޮޅުތެރޭގެ މީހުންގެ މެދުގައި މިހާރު އުފެދިފައިވާ ގޯތި ދިނުމުގެ ބަހުސާ ގުޅޭ ގޮތުން ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރަކު ކުރެއްވި ސުވާލަކަށް ޖަވާބު ދެއްވަމުން އަސްލަމް ފުރަތަމަ އަލިއަޅުވާލެއްވީ ގޯތި ދިނުމުގައި ޒާމާނުއްސުރެ ރާއްޖޭން ގެންގުޅެމުން އަންނަ އުސޫލަށެވެ. އެގޮތުން، އޭނާ ވިދާޅުވީ:

"ހުޅުމާލޭގެ ބިން ހިއްކަން އަކަމީޓަރަކަށް ޑޮލަރު ޖެހުނު މިންވަރަކަށް، އެހެން ރަށެއްގައި އެކަން ކުރި ނަމަވެސް އެ ވަރަށް ޑޮލަރު އެބަދޭ. މާލޭގެ ރައްޔިތުންނަށް ގޯތި ދިނުމުގައި ވެދާނެ ފަހަރެއްގައި މާލޭގެ ބިމަކީ، ހުޅުމާލޭގެ ބިމަކީ އަގު ވަރަށް ބޮޑު އެއްޗަކަށް ވީމަ އަޅުގަނޑުމެންނަށް ގަބޫލުކުރެވިފައި ތިބެނީ ކަމަށް އެ ތަނުން އެންމެ ތަންކޮޅެއް ވެސް ހިލޭ ނުއެއް ދެވޭނޭ،" އަސްލަމް ވިދާޅުވި އެވެ.

އޭނާ ވިދާޅުވީ އެއްވެސް ރަށަކުން އެ ރަށަކަށް ނިސްބަތް ނުވާ މީހަކަށް ގޯތި ދިނުމުގައި ގާނޫނީ ހުރަހެއް ނެތް ކަމަށެވެ. އެކަމަކު ގޯތި ދޭ އިރު އެ ރަށުގެ ރައްޔިތުންނަށް އިސްކަން ދިނުމަކީ ޒާމާނުއްސުރެ އަމަލުކުރަމުން އަންނަ ގޮތްކަން އޭނާ ފާހަގަކުރެއްވި އެވެ.

އަސްލަމް ވިދާޅުވީ މިހާރު ވެސް ކައުންސިލްތަކުން ގޯތި ދޫކުރުމުގެ އުސޫލު އެކުލަވާލާ އިރު، އިސްކަން ދެނީ އެ ރަށެއްގެ ރައްޔިތުންނަށް ކަމަށެވެ. އެހެންވެ، މާލޭން ގޯތި ދޫކުރުމުގައި މިހާރު އަމަލުކުރަމުން އަންނަނީ އެހެން ރަށްރަށުން ވެސް އަމަލުކުރަމުން އަންނަ ގޮތަށް ކަމަށް އޭނާ ވިދާޅުވި އެވެ.

އަސްލަމް ވިދާޅުވި ގޮތުގައި، ދިވެހިންގެ ތެރޭގައި އޮންނަ "ރަށު ވަންތަކަން" ދޫކޮށްލައި މުޅި ގައުމަށް ވިސްނަން ޖެހެ އެވެ.

އަސްލަމް ވިދާޅުވީ ކުރިއަށް އޮތް ތަނުގައި ރާއްޖޭން ގޯތި ދޫކުރުން ހުއްޓާލުމުގެ ވާހަކަ ދައްކަން ޖެހޭ ކަމަށެވެ. އަދި މިހާރު އުފެދިފައިވާ "ރާއްޖެ ތެރޭ މީހާ، މާލޭ މީހާ"ގެ ޒުވާބަށް ހައްލެއް އަންނާނީ އޭރުން ކަމަށް އޭނާ ވިދާޅުވި އެވެ.

"މިހާރު ގެންނަންވީ ކޮން ބަދަލުތަކެއްތޯ އަޅުގަނޑު ވަރަށް އޯޕަން. އެހެން ނަމަވެސް، އަޅުގަނޑުގެ ވިސްނުން މި ދެންނެވީ، މިއީ ސިޔާސަތެއް ނޫން. މީގެ ތެރޭގައި ކަމުދާ ވާހަކަތަކެއް ހުރެއްޖެ ކަމަށް ވަންޏާ ސިޔާސަތުތައް ބަދަލުކުރަން ވިސްނުމަކީ ރަނގަޅު ކަމެއް،" އަސްލަމް ވިދާޅުވި އެވެ.

އެނގުން މުހިއްމު - މާލެ ސަރަހައްދުން ގޯއްޗާއި ފުލެޓް ދޫކުރުމަށް ހިންގާ 'ގެދޮރުވެރިޔާ ސްކީމް'ގެ ދަށުން ގޯއްޗާއި ފުލެޓަށް އެދި ހުށަހެޅުމުގެ މުއްދަތު ހަމަވާނީ އަންނަ މަހުގެ 26 އަށެވެ. މި ސްކީމްގެ ދަށުން: