ބާ އިމްތިހާނަށް 10،000ރ. ދައްކަން ޖެހޭތީ ދަރިވަރުން ރުޅިގަދަވެއްޖެ

ގާނޫނީ ވަކީލުކަމުގެ ހުއްދަ ހޯދުމަށް ފުރިހަމަ ކުރަން ޖެހޭ ބާ އިމްތިހާނުގައި ބައިވެރިވުމުގެ ފީ އަކީ 10،000ރ. ކަމަށް ބާ ކައުންސިލުން ކަނޑައެޅުމުން ބައެއް ދަރިވަރުން އެކަމާ މެދު މިއަދު ހިތްހަމަނުޖެހުން ފާޅުކުރަން ފަށައިފި އެވެ.

ވީ ކިހިނެއް؟ - ބާ ކައުންސިލުގެ ރައީސް މައުމޫން ހަމީދު، ބާ އިމްތިހާނު ފުރިހަމަ ކުރަން ޖެހޭ ދަރިވަރުންނަށް ފޮނުއްވި އީމެއިލެއްގައިވާ ގޮތުން އެ ކައުންސިލުން މިހާރު ވަނީ ބާ އިމްތިހާނުގެ ފީ އަކީ 10،000ރ. ކަމަށް ކަނޑައަޅައިފަ އެވެ.

މައުމޫން ވިދާޅުވި ގޮތުގައި، އަގު ކަނޑައެޅުމުގައި ބެލި ކަންކަން:

ތަފްސީލް - އެ އީމެއިލްގައިވާ ގޮތުން، ބާ ކަައުންސިލުގެ އެކްސްކޯއިން ނިންމާފައި ވަނީ އިމްތިހާނު އެކުލަވާލުމަށް ދިޔަ މުޅި ހަރަދު ދަރިވަރުންގެ އަތުން ނެގުމުގެ ބަދަލުގައި، ކައުންސިލުން އޭގެ ހަރަދުގެ 50% އުފުލާ ގޮތަށެވެ. މި އަހަރު އިމްތިހާނުގައި ބައިވެރިވާ ދަރިވަރުންގެ އަދަދަށް ބަލާއިރު، ހަގީގަތުގައި ކޮންމެ ދަރިވަރެއްގެ ބޮލަށް 20،000ރ. ޖެހޭ ކަމަށް ވެސް ބުނެފައިވެ އެވެ.

އެ ފީ ކަނޑައެޅުމާ ގުޅިގެން ގާނޫނީ ދާއިރާއިން ޑިގްރީ ހާސިލުކޮށްފައިވާ ދަރިވަރުންގެ ވައިބާ ގްރޫޕުގައި ބައެއް ދަރިވަރުން ދަނީ ހިތްހަމަނުޖެހުން ފާޅުކުރަމުންނެވެ. އެ މައްސަލަ މަޖިލީހުގެ ޖުޑިޝަރީ ކޮމިޓީއަށް ހުށަހެޅުމުގެ ހިޔާލު ވެސް ދަރިވަރަކު ފާޅުކުރި އެވެ.

ދަރިވަރުންގެ ބައެއް ކަންބޮޑުވުންތައް:

ބުނީ ކީކޭ؟ - މިކަމާ ގުޅިގެން، ނަން ހާމަ ނުކުރާ ގޮތަށް 'ދައުރު'އާ ވަހަކަ ދެއްކި ދަރިވަރަކު ބުނީ އޭނާގެ ދިރިއުޅުމުގެ ހާލަތު ހުރި ގޮތުން 10،000ރ.ގެ ފީއެއް އިމްތިހާނަށް ދެއްކުމަކީ ކުރެވޭނެ ކަމެއް ނޫން ކަމަށެވެ.

އޭނާ 2016ގައި ގާނޫނީ ދާއިރާއިން ކިޔަވަން ފެށީ ހަތަރު އަހަރުން ކިޔެވުން ނިންމާލައި ވަކީލަކަށް ވެވޭނެ ކަމުގެ އުންމީދާ އެކު އެވެ. އެކަމަކު، އެ ފަހުން އުފެއްދި ގާނޫނުން ތައާރަފުކުރި ކަންކަމާ ހެދި އެ ކަމަށް ހުރަސް އެޅުނީ ކަމަށް އޭނާ ބުންޏެވެ. 

ގާނޫނުގައި ބުނާ ކަންތައްތައް ތަންފީޒުކުރަން އަޅަން ޖެހޭ ފިޔަވަޅުތައް އަޅައި ބާ އިމްތިހާނު ބާއްވަން ތައްޔާރުވަމުން ދާއިރު، އޭނާ މިހާރު ވަނީ ދެ ކުދިންގެ މަންމައަކަށް ވެފަ އެވެ. 

އޭނާ ކިޔައިދިން ގޮތުގައި، އިމްތިހާނަށް ފީއެއް ނަގާނެކަން ކުރިން ވެސް އެނގެ އެވެ. އެކަަމަކު، ދުރާލައި އިމްތިހާނަށް ތައްޔާރުވުމަށް ފާއިތުވި މަސްތަކުގެ ތެރޭގައި ރިވައިސް ކުރަން ފެށި އިރު، މިހާ ބޮޑު އަދަދެއް ފީއެއްގެ ގޮތުގައި ކަނޑައަޅާނެ ކަމެއް ނޭނގޭ ކަމަށް އޭނާ ބުންޏެވެ.

އޭނާ ފަދައިން ގިނަ އެހެން ދަރިވަރުންނަކީ ވެސް ކުލި ދައްކަމުން މާލޭގައި އުޅޭ ބަޔަކަށް ވާތީ އެފަދަ އަދަދެއް ދެއްކުން ވާނީ އުނދަގޫ ކަމަކަށް ކަމަށް އޭނާ ބުންޏެވެ.

"ގާނޫނުގެ ދަށުން ފުރިހަމަކުރަން ޖެހޭ އެއް އަހަރުގެ މަސައްކަތު ތަޖުރިބާ ގިނަ ދަރިވަރުން ފުރިހަމަކުރީ މުސާރައަކާ ނުލާ. އެހެންވެ، މިދިޔަ އަހަރެއްހާ ދުވަހުގެ ތެރޭގައި މާ ބޮޑު އެއްޗެއް ސޭވްއެއް ވެސް ނުކުރެވޭ،" އެހެން ދަރިވަރަކު ބުންޏެވެ.

އެނގުން މުހިންމު - ގާނޫނީ ފަންނުގެ ގާނޫނުގެ ދަށުން:

ބާ އިމްތިހާނު ބާއްވަން ހަމަޖެހިފައި ވަނީ އަންނަ ޖޫން މަހުގެ ތެރޭގަ އެވެ. އޭގެ ކުރިން އިމްތިހާނުގައި ބައިވެރިވާ މީހުންނަށް ލެކްޗާތައް މިހާރު އަންނަނީ ދެމުންނެވެ.