ޅ. ހިންނަވަރުގައި ހަދާ ހައުސިން ޔުނިޓުތަކުގައި ބިންގާ އަޅަނީ. (ފޮޓޯ/ ހައުސިން މިނިސްޓްރީ)
ހިންނަވަރުގައި ހަދާ 50 ރޯހައުސް އާއި 50 ހައުސިން ޔުނިޓުގެ ބިންގާ އަޅައިފި
ޅ. ހިންވަރުގައިި ހަދަން ނިންމާފައިވާ 50 ރޯހައުސް އަދި 50 ހައުސިން ޔުނިޓުގެ ބިންގާ މިއަދު އަޅައިފި އެވެ.
ވީ ކިހިނެއް؟ - ރައީސް އިބްރާހީމް މުހައްމަދު ސޯލިހު ނިސްބަތްވެވަޑައިގަންނަވާ ހިންނަވަރުގައި ހަދަން ނިންމާފައިވާ ރޯހައުސް އާއި ހައުސިން ޔުނިޓުތަކުގެ ބިންގާ އެޅުން ފާހަގަކުރުމަށް މިއަދު އެ ރަށުގައި ހާއްސަ ރަސްމިއްޔާތެއް ބޭއްވި އެވެ. ރޯހައުސް އަދި ހައުސިން ޔުނިޓުތަކުގެ ބިންގާ އަޅުއްވައިދެއްވީ:
-
ހައުސިންގެ ސްޓޭޓް މިނިސްޓަރު އަކުރަމް ކަމާލުއްދީން
-
ހިންނަވަރު ދާއިރާގެ މެމްބަރު ޖީހާން މަހުމޫދު
-
ރަށު ކައުންސިލްގެ މެމްބަރުން
ތަފްސީލް - ދޮންބޭޒް ޕްރައިވެޓް ލިމިޓެޑްއާ މިދިޔަ ޖުލައި މަހު ހަވާލުކުރި މި މަޝްރޫއުގެ ދަށުން 700 އަކަފުޓޫގެ ދެ ބުރީގެ ރޯހައުސް އާއި 1،000 އަކަފޫޓުގެ ހައުސިން ޔުނިޓު އަޅާނެ އެވެ. ކޮންމެ ޔުނިޓެއްގައި:
-
ތިން ކޮޓަރި
-
ތިން ފާހާނާ
-
ސިޓިން ރޫމް
-
ބަދިގެ
-
ކާގެ
-
ލޯންޑްރީ
-
ސްޓޯރޫމް
ފާހަގަކޮށްލެވޭ ކަމެއް - މިއީ މިދިޔަ އަހަރު ހަވާލުކުރި މަޝްރޫއަކަށް ވާއިރު، ވެރިކަން ކުރާ މައި ޕާޓީ، އެމްޑީޕީގެ ޕްރައިމަރީއަށް ބާކީ އޮތީ އެންމެ ފަސް ދުވަހެވެ. ޕްރައިމަރީއާ ދިމާކޮށް ސަރުކާރުން ދަނީ އިތުރު މަޝްރޫއުތައް ވެސް އިއުލާނުކުރަމުންނެވެ.