ރައީސް ސޯލިހް ކެމްޕޭނަށް ކ. ގުރައިދޫގައި. (ފޮޓޯ/ކެމްޕޭނު ޓީމް)
ރައީސް ސޯލިހު ކެމްޕޭނަށް ކ. އަތޮޅާއި އަރިއަތޮޅަށް
ކ. ގުރައިދޫ - އެމްޑީޕީގެ ރިޔާސީ ޕްރައިމަރީގެ ކެމްޕޭނަށް ރައީސް އިބްރާހިމް މުހައްމަދު ސޯލިހު މިއަދު ކ. އަތޮޅާއި އަރިއަތޮޅުގެ ބައެއް ރަށްރަށަށް ދަތުރުކުރައްވަން ފައްޓަވައިފި އެެވެ.
ވީ ކިހިނެއް؟ - މިއަދުގެ ދަތުރުފުޅުތަކުގައި ރައީސް ސޯލިހު އެންމެ ފުރަތަމަ ވަޑައިގެންނެވީ ކ. ގުރައިދުއަށެވެ. ރައީސް ސޯލިހު ސީޕްލޭންގައި ވަޑައިގަންނަވާ ގަޑިއަށް އެ މަނިކުފާނަށް މަރުހަބާ ދެންނެވުމަށް މި ރަށުން އެ މަނިކުފާނަށް ތާއީދުކުރާ ގިނަ އަދަދެއްގެ ސަޕޯޓަރުން ބަނދަރުމައްޗަށް އައިސް ތިއްބެވެ.
ތަފްސީލު - ގުރައިދުއަށް ވަޑައިގެން ރައީސް ސޯލިހު ވަނީ މާލެ އަތޮޅުގެ އެކި ދާއިރާތަކުގެ ކެމްޕޭން ޓީމުތަކާ އެކު މަޝްވަރާ ބައްދަލުވުންތަކެއް ބާއްވާފަ އެވެ.
-
ގުރައިދުއަށް ފަހު ރައީސް ސޯލިހު ދެން ވަޑައިގަންނަވާނީ މި އަތޮޅު ކާށިދުއަށް؛ ކާށިދޫގައި ވެސް ރައީސް ސޯލިހު ކެމްޕޭން ޓީމާ ބައްދަލުކުރައްވައި، ދޮރުން ދޮރަށް ހިންގަވާނެ
-
އެއަށް ފަހު އަރިއަތޮޅުގެ ދަތުރުތައް ފައްޓަވާނީ މިއަދު މެންދުރުފަހު ތޮއްޑޫން
އެނގުން މުހިންމު - އަންނަ ހޮނިހިރު ދުވަހު ބާއްވާ ޕްރައިމަރީގެ ކެމްޕޭނަށް ރައީސް އިއްޔެ ހުންނެވީ ގދ. އަތޮޅުގަ އެވެ. އެ ދަތުރުފުޅު ނިންމަވާލެއްވުމަށް ފަހު މާލެ ވަޑައިގަތީ ރޭ ދަންވަރު އެވެ.