އެސްޓީއޯ މަގޭ ހިޔާ: ގެދޮރުވެރިންނަށް %18އާ ހަމައަށް ޑިސްކައުންޓް

އެސްޓީއޯ އިން 'މަގޭ ހިޔާ'ގެ ނަމުގައި މިހާރު ކުރިއަށްގެންދާ ޕްރޮމޯޝަނަކީ ގެއަށް ބޭނުންވާ ސާމާނު އަގުހެޔޮކޮށް ގަތުމަށް ގެދޮރުވެރިންނަށް އޮތް ރަނުގެ ފުރުސަތެކެވެ. އަގުހުރި ފައިސާގެ އިނާމުތަކާއި ގިފްޓް ވައުޗާ ހިމެނޭ ލަކީޑްރޯއަކާ އެކު ކުރިއަށްގެންދާ އެ ޕްރޮމޯޝަންގެ ދަށުން ބޮޑު ޑިސްކައުންޓަކާ އެކު ގެދޮރުވެރިންނަށް މުދާ ގަނެވޭނެ އެވެ.

ވީ ކިހިނެއް؟ - މިދިޔަ މަހުގެ 22 އިން އަންނަ ނޮވެމްބަރު 10ގެ ނިޔަލަށް އެ ޕްރޮމޯޝަން ކުރިއަށްދާނީ އެސްޓީއޯ ޕީޕަލްސް ޗޮއިސްގަ އެވެ.

ތަފުސީލު - މި ޕްރޮމޯޝަންގެ ދަށުން ޑިސްކައުންޓް ލިބޭނީ ސަރުކާރުގެ ބޯހިޔާވަހިކަމުގެ މަޝްރޫއުތަކުގެ ދަށުން މާލެ އާއި އަތޮޅުތަކުން ފްލެޓު ނުވަތަ ރޯހައުސް ލިބިފައިވާ މީހުންނާއި ކުންފުނިތަކުން ދޭ ފްލެޓު ލިބިފައިވާ މީހުންނަށެވެ.

އެސްޓީއޯ އިން ބުނި ގޮތުގައި، މުދާ ގަންނައިރު، އެ ކަސްޓަމަރަކަށް ލިބިފައިވާ ފްލެޓު ނުވަތަ ރޯހައުސް އެއްބަސްވުމުގެ ނަންބަރު ހިއްސާކުރުމުން ޑިސްކައުންޓު ލިބޭނެ އެވެ.

'މަގޭ ހިޔާ' ޕްރޮމޯޝަން ކުރިއަށްދާ މުއްދަތުގައި، އެ ޕްރޮޮމޯޝަންގައި ހިމެނޭ އައިޓަމްތަކަށް ހޭދަކުރާ ކޮންމެ 5،000ރ. އަކަށް ކޫޕަނެއް ލިބޭނެ އެވެ.

މި ޕްރޮމޯޝަންގެ ދަށުން ނެގޭ މުދަލުގެ ތެރޭގައި ފުރިޖު، ޓީވީ، ދޮންނަމެޝިން އަދި އަވަން ފަދަ ގެއަކަށް މުހިންމު ގިނަ ބާވަތްތަކުގެ މުދާ ހިމެނެ އެވެ.

އެ ޕްރޮމޯޝަންގައި ގްރޭންޑް ލަކީޑްރޯއެއްގެ އިތުރުން ކޮންމެ ހަފްތާއަކު ވެސް ނަސީބުވެރިން ހޮވައި އިނާމު ދޭނެ އެވެ. އެގޮތުން، ގްރޭންޑް ލަކީޑްރޯގެ އިނާމުތަކަށް ކަނޑައަޅާފައި ވަނީ:

އެ ޕްރޮމޯޝަންގައި، މުދާ ގަންނަ ކަސްޓަމަރުންނަށް ލިބޭ ޑިސްކައުންޓް ބަހާލާފައި ވަނީ ތިން ޕެކޭޖަކަށެވެ. އެ ޕެކޭޖުތަކަކީ:

މި ޕްރޮމޯޝަންގައި ކޭޝް ކަސްޓަމަރުންގެ އިތުރުން ކްރެޑިޓަށް މުދާ ނަގާ ކަސްޓަމަރުންނަށް ވެސް ޑިސްކައުންޓު ލިބޭނެ އެވެ. އޭގެ ތެރޭގައި ސިވިލް ސާވަންޓުންނަށް އެސްޓީއޯ އިން ހުޅުވާލާފައިވާ ކުރެޑިޓް ސްކީމާއި ބީއެމްއެލް، އެމްއައިބީ، ބީއެމްއެލް އިސްލާމިކް އަދި އެމްއެފްއެލްސީގެ ސްކީމްތައް ހިމެނެ އެވެ.