ނެޕޯލިއަންގެ ޒަމާނުގައިވެސް އޮތް، ވަރަށް ބޮޑު މުރަކައެއް ސޮލޮމަން އައިލެންޑްސްގެ ފަޅުތެރެއިން ފެނިއްޖެ

ރާއްޖޭގެ މޫދުގައި ފީނާލުމަށް އަންނަ ފަތުރުވެރިން އަބަދުވެސް އަންތަރީސްވެ އުފާވެ އެވެ. ސަބަބަކީ މުރަކަތަކާއި، ކުލަގަދަ މަސްތަކާއި، ދިރުންތަކުގެ ތަފާތު ވައްތަރުތައް އެއްތަނެއްގައި އުޅޭތަން ފެންނާތީ އެވެ. ރާއްޖެއާ 6،000 ކިލޯމީޓަރު ދުރުގައި އޮންނަ ސޮލޮމަން އައިލެންޑްސްގެ މޫދުގައިވެސް މިފަދަ އަޖައިބެއް ވަނީ ފެނިފަ އެވެ. އެހެންނަމަވެސް މުޅިން ތަފާތު ހޯދުމެކެވެ. މިއީ އުސްމިނުގައި ފަސްބުރި އިމާރާތެއްހާ، އަދި 1.6 ކިލޯމީޓަރުގެ ސަރަހައްދެއްގައި ފެތުރިފައިވާ އެންމެ ބޮޑު މުރަކައެކެވެ. ރިޕޯޓްތައް ބުނާގޮތުގައި މިއީ ދުނިޔޭގައި މިހާތަނަށް ފެނުނު އެންމެ ބޮޑު މުރަކަ އެވެ.

މި މުރަކަ ނެޝަނަލް ޖިއޯގްރަފިކްގައި މަސައްކަތްކުރާ މަނު ސަން ފެލިކްސް އާއި އޭނާގެ ދަރިފުޅު އިނިގޯ އަށް ފެނުނީ ސޮލޮމަން އައިލެންޑްސްގެ ފަޅުތެރޭގައި ފީނާލަމުން ދަނިކޮށެވެ.

"މިއީ ކަނޑު އަޑީގެ ކެތީޑްރަލްއެއް ފަދައިން ފެންނަ މަންޒަރެއް،" މަނު ބުންޏެވެ. "އަހަރެންގެ ހިތުގައި މިއަށް ވަރަށް ބޮޑު އިހްތިރާމެއް އުފެދުނު. މިއީ އެތަކެއް ސަތޭކަ ވަންދެން މިތާ ހުރި އެއްޗެއް."

މި މުރަކައަކީ އެތައް މިލިއަން ކުދި ދިރޭތަކެތި އެއްވެގެން އުފެދިފައިވާ އެއް ދިރުމެކެވެ. ސައިންޓިސްޓުން ބުނާގޮތުގައި މި މުރަކައަކީ 300 އަހަރަށްވުރެ ގިނަ ދުވަސްވެފައިވާ މުރަކައެކެވެ.

ދުނިޔޭގެ މޫސުމަށް އަންނަ ބަދަލުތަކާ ގުޅިގެން މުރަކަތަކަށް ކުރިމަތިވަމުންދާ ގޮންޖެހުންތައް އިތުރުވަމުންދާ ދަނޑިވަޅެއްގައި މި މުރަކަ ފެނުމަކީ އުފާވެރި ޚަބަރެކެވެ. ވޯލްޑް އިކޮނޮމިކް ފޯރަމްއިން ބުނާގޮތުގައި މުރަކަތަކަކީ އެއް ބިލިއަން މީހުންގެ ދިރިއުޅުމާ ގުޅިފައިވާ މުހިންމު ވަސީލަތެކެވެ.

"އަޅުގަނޑުމެން ބޭނުންވަނީ މިއީ ޚާއްސަ ތަނެއްކަން ދުނިޔެއަށް އެންގުން،" ސޮލޮމަން އައިލެންޑްސްގެ މޫސުމާބެހޭ ވަޒީރު ޓްރެވާ މަނެމަހަގާ ވިދާޅުވިއެވެ. "އަޅުގަނޑުމެންގެ އިގްތިސާދު ބިނާވެފައި އޮތީ ކަނޑުގެ ވަސީލަތްތަކުގެ މައްޗަށް. އެހެންވީމާ މުރަކަތައް ރައްކާތެރިކުރުމަކީ ވަރަށް މުހިންމު ކަމެއް."

މި މުރަކަ ހުރީ ފުން ފެނުގައި ކަމަށްވުމުން، މޫދުގެ މަތީ ފަށަލައިގެ ހޫނުކަމުން ސަލާމަތްވެފައިވާ ކަމަށް ސައިންޓިސްޓުން ލަފާކުރެ އެވެ. މި މުރަކަ ފެނުމާއެކު، ސޮލޮމަން އައިލެންޑްސްގެ ކަނޑުއަޑީގެ މުއްސަނދިކަން އިތުރަށް ހާމަވެގެން ގޮސްފައިވެ އެވެ.

މި މުރަކަ ދިރާސާކުރި އިސް ސައިންޓިސްޓު މޮލީ ޓިމަރސް ބުނާގޮތުގައި ސޮލޮމަން އައިލެންޑްސްގެ ތިލަ ސަރަހައްދުތަކުގައި ގިނަ މުރަކަތަކެއް މަރުވެފައި ހުއްޓެވެ. ނަމަވެސް މި މުރަކަ ފެނުމަކީ "އުއްމީދުގެ އަލިގަދަ ރަމްޒެއް" ކަމުގައި އޭނާ ފާހަގަކުރި އެވެ.

"މިފަދަ ބޮޑު މުރަކައަކީ ކުދި މަސްތަކާއި، ކަކުނިތަކާއި އެހެނިހެން ކަނޑުގެ ދިރުންތަކުގެ ގެއެއް،" ލީޑްސް ޔުނިވަރސިޓީގެ ކަނޑުގެ އިކޮލޮޖިސްޓް މާރިއާ ބެގަރ ބުނެފައިވެ އެވެ. "އަދި މިއީ އެހެން މުރަކަތައް އާލާވުމަށް އެހީވާ މައި މުރަކައެއްވެސްމެ."

މި މުރަކައަކީ ޕަވޯނާ ކްލަވަސް ބާވަތުގެ މުރަކައެކެވެ. މުރަކައިގެ ބޭރު ފުށުގައި ހުންނަނީ ރޯނުތަކެއް ފަދަ އުސްތަކެވެ. ގާތުން ބަލާއިރު ރީނދޫ، ފެހި އަދި މުށިކުލައިގެ ވިދުވަރު ފެނެއެވެ. މުޅި މުރަކަ ފެންނަނީ ދެ ބާސްކެޓްބޯޅަ ކޯޓުގެ ސައިޒަށެވެ.

ނެޝަނަލް އޯޝަނިކް އެންޑް އެޓްމޮސްފެރިކް އެޑްމިނިސްޓްރޭޝަން (އެންއޯއޭއޭ)އިން ބުނާގޮތުގައި 2023 އިން ފެށިގެން ދުނިޔޭގެ ހަތަރުބައިކުޅަ ތިންބައި މުރަކަ ވަނީ ހޫނުގެ ސަބަބުން ގެއްލުން ލިބިފަ އެވެ. އަދި ގިނަ މުރަކަތަކެއް މަރުވެފައިވެ އެވެ.

އެހެންނަމަވެސް މި މުރަކައަށް 300-500 އަހަރު ވެފައިވާއިރު މިހާތަނަށް ދުނިޔޭގައި ދިމާވި ގިނަ މުރަކަ ހުދުވުމުގެ ހާދިސާތަކުން ސަލާމަތްވެފައިވެ އެވެ. އެހެންކަމުން މިއީ މޫސުމަށް އަންނަ ބަދަލުތަކާ ކުރިމަތިލުމުގެ ގާބިލުކަން ހުރި މުރަކައެއް ކަމަށް ސައިންޓިސްޓުން ބުނެއެވެ.

މި ހޯދުން ހާމަކުރެވުނީ އަޒަރުބައިޖާންގެ ބާކޫގައި ބޭއްވުނު އދ.ގެ މޫސުމާބެހޭ މަހާސިންތާ ކޮޕް29ގެ ތެރޭގައެވެ. މި މަހާސިންތާގައި މޫސުމަށް އަންނަ ބަދަލުތަކާ ކުރިމަތިލުމަށް ގައުމުތަކުން އަޅަންޖެހޭ ފިޔަވަޅުތަކާމެދު މަޝްވަރާކުރެވުނެވެ.

މި މުރަކައަކީ އެމެރިކަން ސަމޯއާގައި ކުރިން ފެނިފައިވާ 22 މީޓަރު ފުޅާ މުރަކައަށްވުރެ ބޮޑު މުރަކައެކެވެ. ނަމަވެސް އަދިވެސް ނުހޯދާ ހުރި މުރަކަތަކެއްގެ ތެރޭގައި މިއަށްވުރެ ބޮޑު މުރަކަ ހުރުން އެކަށީގެންވެ އެވެ. ސަބަބަކީ މިހާތަނަށް ވަނީ ދިރާސާކުރެވިފައިވަނީ ދުނިޔޭގެ ކަނޑުތަކުގެ %5 ސަރަހައްދު ކަމަށްވާތީ އެވެ.

މުރަކައަކީ ކަނޑުގެ މާހައުލުގައި މުހިންމު ދައުރެއް އަދާކުރާ، ވަރަށް ޚާއްސަ ކަށިނެތް ދިރުމެކެވެ. ސޮލޮމަން އައިލެންޑްސްއިން ފެނުނު ދުނިޔޭގެ އެންމެ ބޮޑު މުރަކައިން މީގެ މުހިންމުކަން ވަނީ އިތުރަށް ހާމަވެފައެވެ. ތިރީގައި މިވަނީ މުރަކައާ ބެހޭ މައުލޫމާތެވެ:

މުރަކައަކީ ކޮބާ؟

މުރަކައިގެ ބާވަތްތައް:

މުރަކަ މައިގަނޑު ގޮތެއްގައި ބެހިގެންވަނީ ދެ ބާވަތަކަށެވެ:

މުރަކައަށް ކުރިމަތިވާ ނުރައްކާތައް:

މުރަކައަށް ތަފާތު އެކި ނުރައްކާތައް ކުރިމަތިވެ އެވެ. އޭގެ ތެރޭގައި: