އިންޓަނޭޝަނަލް މަނިޓަރީ ފަންޑު (އައިއެމްއެފް)
އިންޓަނޭޝަނަލް މަނިޓަރީ ފަންޑް (އައިއެމްއެފު)ން މިސްރަށް އިތުރު 820 މިލިއަން ޑޮލަރު ދިނުމުގެ ހުއްދަދޭ ރިވިއު އެއްކޮށް ނިމިފައިވާ ކަމަށާއި މެކްރޮއިކޮނޮމިކް ހަމަޖެހުން ގެނައުމަށް ކުރި މަސައްކަތުން ނަތީޖާ ނެރެން ފަށާފައިވާ ކަމަށް އައިއެމްއެފުން ބުނެފި އެވެ. ނަމަވެސް ސަރުކާރު ހިއްސާވާ ވިޔަފާރިތަކުގެ ދައުރު ކުޑަ ކުރުމަށް އިތުރު ކަންތައްތަކެއް ކުރަން ޖެހޭ ކަމަށް ވެސް ބުންޏެވެ.
މި ރިވިއުއަކީ މިސްރުގެ 46 މަސް ދުވަހުގެ އައިއެމްއެފް ލޯނު ޕްރޮގްރާމްގެ ދަށުން 2022 ވަނަ އަހަރު ފާސްކޮށް، އިންފްލޭޝަން މަތިވެ، ބޭރު ފައިސާގެ ދަތިކަން ބޮޑުވެފައިވާ އިގްތިސާދީ ކާރިސާއާ ގުޅިގެން މި އަހަރު 8 ބިލިއަން ޑޮލަރަށް ފުޅާކުރި ތިން ވަނަ ރިވިއު އެވެ.
މިސްރުން ބުނީ އެކްސްޗޭންޖް ރޭޓް ބާޒާރުގެ ރޭޓަށް ދޫކޮށްލާފައިވާ ނިޒާމަކަށް ބަދަލުކޮށްފައިވާ ކަމަށާއި އެ ސިޔާސަތަކީ ކަމާބެހޭ ފަރާތްތަކުގެ ޕްރޮގްރާމްގެ މައިގަނޑު އަސާސު ކަމަށެވެ.
"އިންފްލޭޝަންގެ ޕްރެޝަރުތައް މަޑުމަޑުން ދަށަށް ގޮސް، ބޭރު ފައިސާގެ ދަތިކަން ވަނީ ނައްތާލެވިފައި. އަދި ފިސްކަލް ޓާގެޓްތައް [އުމްރާނީ ބޮޑެތި މަޝްރޫއުތަކުން ކުރާ ހަރަދުތަކާ ގުޅުންހުރި] ހާސިލްކުރެވުނު،" އައިއެމްއެފުން ނެރުނު ބަޔާނެއްގައި ބުންޏެވެ.
އައިއެމްއެފުން ވަނީ ސަރުކާރު ހިއްސާވާ ކުންފުނިތައް ވިއްކާލުމުގެ ޕްރޮގްރާމެއް ހަލުވިކޮށް، ބޭއިންސާފު ވާދަވެރި އަމަލުތައް ބޭނުން ނުކުރެވޭ ގޮތަށް އިސްލާހުތަކެއް ގެނައުމަށް މިސްރަށް ގޮވާލައިފަ އެވެ.
އޭގެ އިތުރުން ގުދުރަތީ ގޭހުގެ އުފެއްދުންތައް ދަށަށް ދިއުމުގެ ސަބަބުން މިދިޔަ އަހަރުން ފެށިގެން ދުވާލެއްގެ މައްޗަށް ކަރަންޓު ކެނޑުމުގެ ފުރުސަތު އޮތް ކަމަށް ވެސް ވަނީ ބުނެފަ އެވެ. އަދި ހަކަތައިގެ ދާއިރާއިން ފިސްކަލް ރިސްކް ހިފެހެއްޓުމަށް ބޭނުންވާ ކަމަށެވެ.
ރީޓެއިލް ތެލުގެ އަގުތައް ހިމެނޭ ގޮތަށް ހަކަތައިގެ އަގުތައް ކުރިއެކޭ އެއް ލެވެލްއަށް އަލުން ތިރި ކުރުމަކީ މުހިންމު ކަމެކެވެ.
އައިއެމްއެފުގެ ރިވިއުގެ ކުރިން މިސުރުން ވަނީ ތެލުގެ އަގު %15 ބޮޑުކޮށްފަ އެވެ.