'ހުޅުމާލޭ ރަން'ގައި ބައިވެރިވާން އަވަސް ފުރުސަތެއް

އެލީޓް ރަނާސް މޯލްޑިވްސް އިން އަންނަ އަހަރު ބާއްވާ 'ހުޅުމާލެ ރަން'ގައި ބައިވެރިވުމުގެ އަވަސް ފުރުސަތަށް ހުޅުވާލައިފި އެވެ.

އެލީޓް ރަނާސްގެ އެއް ބާނީ އަދި ދިގު ދުވުންތެރިޔާ އަހުމަދު ޝަރަފް ބުނީ އަންނަ އަހަރުގެ ރޭހުގައި ބައިވެރިވާން އަވަސް ފުރުސަތެއް ހުޅުވާލީ ވީހާވެސް ކުރިއަކުން ރޭހަށް ތައްޔާރުވުމާއި ޑިސްކައުންޓް ރޭޓެއްގައި ގިނަ ބަޔަކަށް އެ ފުރުސަތު ދިނުމުގެ ގޮތުން ކަމަށެވެ.

އަންނަ އަހަރުގެ ހުޅުމާލެ ރަން ބާއްވަން ކަނޑައަޅާފައި ވަނީ 4 ޖުލައި 2025ވާ ހުކުރުދުވަހުގެ ހެނދުނެވެ. އެގޮތުން ހެނދުނު 6:00ގައި ފަށާނީ 10 ކިލޯމީޓަރާއި 5 ކިލޯމީޓަރުގެ ރޭހެވެ. އެއް މޭލުގެ ރޭސް ފަށާނީ 7:00ގަ އެވެ.

ހުރިހާ ރޭހެއްގެ ފެށުމާއި ނިންމުން އޮންނާނީ ހުޅުމާލޭ ސެންޓްރަލް ޕާކްގަ އެވެ.

އެޗުޑީސީއާ ގުޅިގެން ބާއްވާ މި ރޭހުގައި ހިމެނޭ ކޮންމެ ބަޔަކުން ވެސް ދެ ޖިންސްގެ ދުވުންތެރިންގެ ތެރެއިން ވަނަ ހޮވައި އިނާމު ދެ އެވެ.

މި މަހު 16ގައި ހުޅުވާލި އަވަސް ފުރުސަތުގައި ބައިވެރާން ޑިސްކައުންޓް ލިބެ އެވެ. އެގޮތުން 16 ނޮވެމްބަރުން 1 ޖެނުއަރީ 2025ގެ ނިޔަލަށް ފީ ކަނޑައަޅާފައި އޮތީ:

މި ރޭސްތަކުގައި ބައިވެރިވާން 2 ޖެނުއަރީން 30 މޭ 2025އަށް ކަނޑައަޅާފައިވާ އަގުތަކަކީ:

އެއް މޭލުގެ ދުވުމުގައި ކޮންމެ އުމުރެއްގެ ބަޔަކަށް ވެސް ކުޑަކުދިންނާ އެކު ދުވެލުމުގެ ފުރުސަތު އޮވެ އެވެ.

ޝަރަފް ބުނީ އުފެދެމުން އަންނަ ޒުވާން ދުވުންތެރިންނަށް އާ ފުރުސަތެއް ދިނުމުގެ ގޮތުން 5 ކިލޯމީޓަރުގައި އާ ބައެއް ހިމަނާފައި އޮތް ކަމަށެވެ. އެގޮތުން 13 އަހަރާއި 17 އަހަރާ ދެމެދުގެ ދުވުންތެރިންގެ ތެރެއިން ދެ ޖިންސުން ވެސް ވަނަ ހޮވައި، ފައިސާގެ އިނާމާއި ތަށި ލިބޭނެ ކަމަށް އޭނާ ބުންޏެވެ.

"ވަރަށް ބޮޑު ފުރުސަތެއް ލިބެން ޖެހޭ އުމުރެއް މިއީ. އެބަ ޖެހޭ އަލަށް ދުވަން ނުކުންނަ ކުދިންނަށް ވެސް ހިތްވަރުދޭން. އެހެންވެ އަޅުގަނޑުމެން 13 އަހަރާއި 17 އަހަރާ ދެމެދުގެ ވަކި ކެޓަރީއެއް ފަސް ކިލޯމީޓަރުގައި މި ހަމަޖެއްސީ،" ޝަރަފް ބުންޏެވެ.

އޭގެ އިތުރުން އުމުރުން ދޮށީ ވަރަށް ގިނަ ބަޔަކު ވެސް މިހާރު އަންނަނީ ދުވުމުގެ ތެރެއަށް ވަދެ، ރަނގަޅަށް ދުވަމުންނެވެ. އެހެންވެ 10 ކިލޯމީޓަރުގެ ރޭހުގައި 41 އަހަރުން ދޮށީ ދުވުންތެރިންނަށް މާސްޓާ ކެޓެގަރީއެއް ވެސް ވަނީ ކަނޑައަޅައިފަ އެވެ. ދެ ޖިންސްގެ ދުވުންތެރިންގެ ތެެރެއިން ވެސް މި އުމުރު ފުރާގައި ވަނަ ހޮވައި އިނާމު ދެ އެވެ.

މި އަހަރު އަލަށް ބޭއްވި 'ހުޅުމާލެ ރަން'އަށް ލިބުނު ތަރުހީބަށް ބަލާފައި ޝަރަފް ބުނީ އަންނަ އަހަރުގެ ރޭހާ މެދު އޭނާގެ އުއްމީދު ބޮޑު ކަމަށެވެ.

"އަޅުގަނޑަކީ ދުވުންތެރިޔަކަށް ވެފައި އަޅުގަނޑުމެން ހުންނާނެ މި ރޭސް ފަސޭހަވާނެ ގޮތްތައް ބަލާފައި. މިސާލަކަށް ދުވާ ރޫޓުގައި ޔޫޓާންތަކެއް ނުހުންނާނެ. ވަރަށް ފަސޭހަވާނެ ދުވެލަން މި ރޫޓުގައި،" ޝަރަފް ބުންޏެވެ.