މި ސަޕޯޓަރު ހޯދަން ކްރިސްޓިނާއޯ ރޮނާލްޑޯ ވަނީ އޭނާގެ އެކްސްގައި އިއުލާންކޮށްފައި
އުމުރުން ދުވަސްވީ ސަޕޯޓަރަކު ރޮނާލްޑޯގެ ސަމާލުކަން އަތުލައިފި
ކްރިސްޓިއާނޯ ރޮނާލްޑޯގެ ސަމާލުކަން ލިބޭނީ ކޮން ކަހަލަ ކަމަކުން ހެއްޔެވެ؟ މިއީ ސީދާ ޖަވާބެއް އޮތް ސުވާލަކަށް ނުވެދާނެ އެވެ. އެކަމަކު އުމުރުން ދުވަސްވީ މީހަކު މިވަނީ ދުނިޔޭގެ އެންމެ މަޝްހޫރު އެކެއްގެ ސަމާލުކަމާއި ލޯބި ވެސް އަތުލައިފަ އެވެ.
ރޭ ރޮނާލްޑޯ އޭނާގެ 113 މިލިއަން ފޮލޯވަރުން ތިބި އެކްސްގައި ކުރި ޕޯސްޓްގައި ފެންނަނީ އުމުރުން ދުވަސްވީ މީހަކު، ރޮނާލްޑޯ ޖަހާފައި އޮތް ޖާޒީގައި ހުރެ، ފޯނުން ވީޑިއޯ ކުރަމުން، ރޮނާލްޑޯގެ ނަމުން ގޮވާ ތަނެވެ. އެހެން ސަޕޯޓަރުން ރޮނާލްޑޯގެ ނަން ގޮވަމުން ދިޔަ އިރު އޭނާ ވެސް ރޮނާލްޑޯގެ ނަމުން ބާރަށް ގޮވަމުން ގެންދިޔަ އެވެ.
އެ ވީޑިއޯއާ އެކު ރޮނާލްޑޯ ލިއުނީ 'އޭނާ ހޯދަން ބޭނުންވާ' ކަމަށެވެ. އަދި ލިބޭ ކޮންމެ މައުލޫމާތަކަށް ޝުކުރުވެރިވާނެ ކަމަށް ވެސް ބުންޏެވެ.
Looking for him! Any info would be appreciated. pic.twitter.com/yei3OBVz9Y
— Cristiano Ronaldo (@Cristiano) October 25, 2024
މި ޕޯސްޓް މިހާތަނަށް 81 މިލިއަނަށް ވުރެ ގިނަ ފަހަރު ބަލައިފި އެވެ. ރީޕޯޓްސްކުރި އަދަދު 61،000އަށް އަރަ އެވެ. ލައިކްސް 800،000އަށް ވުރެ މައްޗެވެ.
ސައުދީ ލީގުގެ އަލް-ނަސްރަށް ކުޅެމުން އަންނަ 39 އަހަރުގެ ކުޅުންތެރިޔާގެ ލޯބި، އެ ސަޕޯޓަރަށް މިހާރު އެ އޮތީ ބަންޑުންވެފަ އެވެ.
އެއްވެސް ޝައްކެއް ނެތި އެނގެނީ ރޮނާލްޑޯއަކީ ސޯޝަލް މީޑިއާގެ އެންމެ މަޝްހޫރު ޝަހުސިއްޔަތު ކަމެވެ. އެކި ޕްލެޓްފޯމްތަކުގައި އޭނާ ފޮލޯކުރާ އަދަދު 1 ބިލިއަނަށް ވަނީ އަރައިފަ އެވެ. އެފަދަ މީހަކު އަމިއްލައަށް އިސްނަގައިގެން ސަޕޯޓަރަކު ހޯދަން ބޭނުންވުމަކީ އާދައިގެ ކަމެއް ނޫނެވެ. ނަމަވެސް އެ ސަޕޯޓަރަކީ ކާކުކަން މިހާތަނަށް އޭނާއަށް އެނގުނު ކަމަކަށް އަދި ބުނެފައެއް ނުވެ އެވެ.
ކޮމެންޓް