ސްޓާލިން ފަހު ވަގުތު އާސެނަލްއަށް ބަދަލުވެއްޖެ

ޗެލްސީގެ ފޯވަޑް ރަހީމް ސްޓާލިން، އެންމެ ފަހު ވަގުތު ލޯނެއްގެ ދަށުން އާސެނަލްއަށް ބަދަލުވެއްޖެ އެވެ.

ކުރިން ލިވަޕޫލް އާއި މެންޗެސްޓަ ސިޓީގެ ފޯވަޑްގެ މި ނިންމުން އައީ ޗެލްސީގެ މިހާރުގެ ކޯޗުގެ ޕްލޭންގައި އޭނާ ނެތުމުންނެވެ. އެހެންކަމުން ޗެލްސީގެ ފުރަތަމަ ޓީމުން ސްޓާލިންއަށް ޖާގަ ލިބުން ވަނީ ދަތިވެފަ އެވެ.

"މިއީ ގަބޫލުކުރަން ދަތި އިހުސާސެއް ކުރެވޭ ކަމެއް. ވަރަށް ބޮޑު ހިތްހަމަޖެހުމެއް ލިބިއްޖެ،" އުމުރުނ ް29 އަހަރުގެ ފޯވަޑް ބުންޏެވެ.

"މިއީ ފަހަށް ދޫކޮށްލެވިފައި އޮތް އެކަމަކު އަބަދުވެސް އުއްމީދުކުރެވޭ ބަދަލެއް."

މެންޗެސްޓަ ސިޓީގެ އެސިސްޓެންޓް ކޯޗަކަށް އާސެނަލްގެ މިހާރުގެ ކޯޗު މިކޭލް އާޓެޓާ ހުރިއިރު ސްޓާލިން އެ ޓީމަށް ކުޅުނެވެ. އެހެންކަމުން އެކަކު އަނެކަކު ރަނގަޅަށް އެނގެ އެވެ.

ސިޓީ ދޫކޮށް ސްޓާލިން ޗެލްސީއަށް ބަދަލުވީ 52 މިލިއަން ޑޮލަރުގެ ފީއެއްގައި 2022ގަ އެވެ. އޭނާ ވަނީ އާސެނަލްގެ އެންމެ ބޮޑު އެއް ވާދަވެރި ޓީމަށް 81 މެޗު ކުޅެ 19 ލަނޑު ޖަހައިފަ އެވެ.

ޗެލްސީން ލޯނެއްގެ ގޮތުގައި ސްޓާލިން ދޫކުރީ މި ސީޒަން ނިމެންދެންނެވެ.

ފުރަތަމަ ބެލެވުނީ އޭނާ ދާނީ މެންޗެސްޓަ ޔުނައިޓެޑަށް ކަމަށެވެ. އޭނާ ހޯދަން އާސެނަލް ޝައުގުވެރިވީ ވަރަށް ފަހުންނެވެ.

ކުޅުންތެރިންގެ ޓްރާންސްފާގެ ފުރުސަތު މިއަދު ބަންދުވާނެ އެވެ.