އުރީދޫ، އޮފީސްތަކުގެ ގޭމް ކުޅުމުގެ މުބާރާތުގައި ވިދާލީ ބީއެމްއެލް

އޮފީސްތަކުގެ މެދުގައި އުރީދޫ ނޭޝަންގެ ފަރާތުން ބޭއްވި ފުރަތަމަ އީ-ސްޕޯޓްސް ޗެމްޕިއަންޝިޕް ނުވަތަ ގޭމް ކުޅުމުގެ މުބާރާތް ކާމިޔާބު ކަމާއެކު ނިންމާލައިފި އެވެ.

ވީ ކިހިނެއް؟ - މިދިޔަ އަންގާރަ ދުވަހުން ފެށިގެން އިއްޔެގެ ނިޔަަލަށް ބޭއްވި މި ކުޅިވަރު މުބާރާތުގައި 33 އޮފީހަކުން ވާދަކުރި އެވެ. އެ މުބާރާތުގައި ކުޅެފައި ވަނީ ރާއްޖޭގެ އީ-ސްޕޯޓްސް ކޮމިއުނިޓީގެ ތެރޭގައި މަގުބޫލު ތިން ގޭމެކެވެ. އެއީ:

ތަފްސީލް - އެ މުބާރާތުގައި ޗެމްޕިއަންކަން ހޯދި ފަރާތްތަކަކީ: 

ޕަބްޖީއާއި އީއޭއެފްސީގެ ޗެމްޕިއަން ޓީމަށް ވަނީ 10،000ރ. ދީފަ އެވެ. އަދި ބޭންގް ބޭންގުގެ ޗެމްޕިއަނަށް ދީފައި ވަނީ 4،500ރ. އެވެ. 

ފާހަގަކޮށްލެވޭ - މި މުބާރާތުގެ އީއެފްސީ އާއި ބޭންގް ބޭންގް ގޭމުން ބީއެމްއެލްއަށް ޗެމްޕިއަންކަން ނުހޯދުނު ނަމަވެސް އެ ބޭންކުން ވަނީ އެ ދެ ގޭމްގެ ފައިނަލްގައި ވެސް ކުޅެ ރަނަރަޕްކަން ހޯދައިފަ އެވެ. 

އުރީދޫގެ ބަސް - އެ ކުންފުނިން ބުނީ އޮފިސްތަކުގެ މެދުގައި ގޭމް ކުޅުމުގެ މުބާރާތެއް ބޭއްވީ ޓީމެއްގެ ގޮތުގައި މަސައްކަތް ކުރުމުގެ ރޫހު އާލާކޮށް ރަހުމަތްތެރި ކަމާއި ވާދަވެރިކަން އިތުރުކުރުމުގެ ގޮތުން ކަމަށެވެ.

"އީ-ސްޕޯޓްސް ކޮމިއުނިޓީގެ ގުޅުން އިތުރަށް ބަދަހިކުރުމަށް ހާއްސަ ޕްލެޓްފޯމެއްގެ ގޮތުގައި މި މުބާރާތް ވަނީ ވެގެން ގޮސްފަ އެވެ،" އުރީދޫން ބުންޏެވެ.

މުބާރާތުގެ ޗެމްޕިއަން ޓީމުތަކަށް ފައިސާގެ އިނާމުތައް ހަވާލުކޮށްފައި ވަނީ އިއްޔެ ހުޅުމާލޭގައި ހުންނަ އުރީދޫ ހެޑްކުއާޓާސްގައި ބޭއްވި ރަސްމިއްޔާތެއްގަ އެވެ.